ناڤەندا نووچەیان – سەما
رێكخراوا به‌تريكور بۆ مافێ مرۆڤى ل شنگالێ ئاشكراكر، تا نوكه 93 گۆڕێن بكۆم ل شنگالێ هاتينه ديتن.
ده‌مێ تيرۆرستێن داعشێ هێرشى قه‌زا شنگالێ كرى، ب ده‌هان وه‌لاتيێن سڤيل يێن ئێزدى ره‌ڤاندن و دناڤ گۆڕێن بكۆم دا گوله‌بارانكرن.
چارشه‌مبوويێ 18ى كانوونا ئێكێ 2024ێ، خێرى عه‌لى، به‌رپرسێ رێكخراوا به‌تريكور بۆ مافێ مرۆڤى ل شنگالێ بۆ سه‌ما گۆت: پرۆسه‌يا هلدانا گۆڕێن بكۆم هاتيه سه‌كناندن و لايه‌نێن په‌يوه‌نديدار ئه‌و ئاگه‌هداركرينه د سالا 2025ێ دا دێ ده‌ست ب هلدانا گۆڕان كه‌نه ڤه.
به‌رپرسێ رێكخراوا به‌تريكور ئاشكراكر:” ل سه‌رانسه‌رى شنگالێ 93 گۆڕێن بكۆم هاتينه ديتن و 38 ژ وان هاتينه هلدان و گۆڕێن ماين پێدڤى ب پاراستن و چاڤدێريێ نه داكو ژ ناڤ نه‌چن و ب به‌لگه‌يێن جينۆسايدێ بمينن”.
پشتى رزگاركرنا شنگالێ ژلايێ هێزێن پێشمه‌رگه‌يێ كوردستانێ ڤه، ب ده‌هان گۆڕێن بكۆم يێن قوربانيێن ئێزدى ل سه‌ر ده‌ستێ داعشێ هاتنه ديتن.