ناڤەندا سێمێلێ خۆلەکا کارێن دەستی بۆ ئافرەتان ڤە دکەت

ناڤه‌ندا نووچه‌يان – سه‌ما
ب مەرەما پێشخستنا شیانێن ئافرەتان و ڤەدیتنا دەلیڤه‌يێن کاری، خۆلەکا کارێن دەستی بۆ هه‌ژمارەکا ئافرەتێن ناحیه‌يا خانکێ هاتە ڤەکرن.

ناڤەندا سێمێلێ یا ئێکەتیا ئافرەتێن کوردستانێ ئه‌ڤ خۆله‌ بۆ ئافره‌تان ڤه‌كريه و دياركر،‌ خۆل دێ بۆ ماوێ هەیڤەکێ یا بەردەوام بت و تێدا بەشداربوویان ب شێوازێ تیوری و پراکتیکی دێ شارەزایى ل سەر هەموو جۆرێن کارێ دەستی هەبت.

ئاماژه‌ ب وێ چه‌ندێ دا، ئێکەتیا ئافرەتێن کوردستانێ هەموو دەمان بزاڤێ دکەت کو ب ڕێیا ئەڤان خۆلان ئافرەتان بەرەف سەربەخۆیا ئابۆری و بهێزکرنا پێگەهێ وان د جڤاکی دا ببەت.