ناڤهندا نووچهيان – سهما
رێكخراوهك ل شنگالێ هۆشداريێ ددهت و دبێژت: گهفێن بيبانبوونێ و هشكاتيێ و مهترسيا كێمبوونا ئاڤێ ل سهر دهڤهرێ ههيه.
شەمبوويێ 21ـی حوزەیرانا 2025، فهرحان ئبراهيم، بهرپرسێ ڕێكخراوا پرا گهنجان تايبهت بۆ سهما ڕاگههاند: چهندين ساڵه كار ل سهر بابهتێ بيبانبوون و كێمبوونا ڕێژا ئاڤێ و كهسكاتيێ ل سهرانسهرى شنگالێ دكهين، ژبهركو نوكه گوهۆڕين بسهر كهش و ههوايى دا هاتينه و ڕێژا ئاڤا ژێر زهڤى بۆ 200 مهتران كێمبوويه و پتريا كانيێن ئاڤێ ل شنگالێ هشكبووينه، ئانكو دكارين بێژين نێزيكى 90%گهفێن بيبانبوونێ ل سهر دهڤهرێ دياربووينه.
فهرحان ئبراهيم ڕاگههاند: نوكه ل گهلهك دهڤهرێن شنگالێ كێشهيا كێميا ئاڤا ڤهخوارنێ ههيه و خهڵكێ دهست ب كڕينا ئاڤێ كريه، ئهگهر ئهڤ كێشه نهئێته چارهسهركرن ڕهنگه ههتا ساڵا 2035نێزيكى 75% ژ شنگالێ بێ ئاڤ بمينت.
ئاماژه ب وێ چهندێ دا، ئهم بهردهوام بانگهوازيێ دكهين و مهترسيا كێمبوونا ئاڤێ مه گههانديه جهێن شۆلهژێ و ههتا ل سهر ئاستێ نێڤدهوڵهتى.
دهربارهى چارهسهرييان، بهرپرسێ ڕێكخراوا پرا گهنجان دياركر، باشترين چارهسهرى بۆ كێميا ئاڤێ ل شنگالێ ئهوه بهنداڤێن بچووك بۆ عهمباركرنا ئاڤا بارانان و پرۆژێ جهزيره يێ ئاڤێ بێنه چێكرن.
زێدهترى 40 ساڵانه كێشهيا ئاڤا ڤهخوارنێ ل پرانيا دهڤهرێن شنگالێ سهرهڵدايه و ههتا نوكه نههاتينه چارهسهركرن و خهڵك ژ نهچارى ئاڤێ ب بههايهكێ گران ب تانكهران دكرن بۆ دهبارا ژيانا خۆ يا ڕۆژانه.
ههر ژ ئهگهرێ كێمبوونا ئاڤێ، چهندين بيستان و داروبارێن جۆتياران ژناڤچووينه و ڕێژا كهسكاتيێ ژى بهرهف كێمبوونێ ڤه چوويه.