ناڤهندا نووچهيان – سهما
دوهى ڕۆژا چارشهمبوويێ 3-7-2025، ب ئامادهبوونا بابێ شێخ، شێخ ئەلی شێخ ئهلیاس، و جۆقەتا خۆ یا ئۆلى، ڕێورهسمێن جەژنا ڕۆژیێن چلەیێ ھاڤینێ ل پهرستگهها لالش ب ڕێڤهچوون.
رێورهسم ب ھێز و رووحيهتهكا ئۆلی ھاتن ل دارخستن و گەلەک زهلامێن ئۆلی، ڕيهسپى و کەسایەتییێن ئێزدیان ژ دەڤەرێن جودا بهشداری ڤێ ڕێورەسمان بوون.
ئەڤ جەژنا پیرۆز ل داویا چل ڕۆژییێن ھاڤینێ دە دئێته كرن، کو تەنێ کەسایەتییێن ئۆلی “چلەگەھر” دكهن، كو ئێک ژ گرنگترین جهژنێن ئۆلى يه د ساڵنامەیا ئێزدیان دا.
دڤى ماوهيى دا رێورهسمێن ئۆلى يێن تايبهت ل پهرستگهها لالش دئێنه كرن، کو تێدا چرا دئێنه گوڕيكرن و دوعا و قەولێن ئۆلی ژلايێ قەوالان ڤە ھاتنه گۆتن.
ئەڤ ڕێورهسم بۆ ماوێ سێ ڕۆژان دبهردهوامن، د ڤێ دەمى دە گەلەک ئێزدی دێ سەرهدانا لالشێ کهن. ئەڤ ڕێورهسم نیشانا گرێدانا بڵندا ئێزدیان ب بيروباوەر و ئۆلا خۆيه.