ناڤەندا نووچەیان – سەما
ئيرۆ پێنج شەمبوويێ، 14ـی ئهیارا 2026، مەسرور بارزانی، سهرۆكێ حكومهتا ههرێما كوردستانێ ڕاگەهاند، ئەم د گەل هندێ نە پەرلەمان بێتە كاراكرن و حکومەت بێته پێكئينان.
مەسرور بارزانی، سەرۆکێ حکومەتا هەرێما کوردستانێ، پشتی ڤەکرنا پڕۆژێ جۆتسایدێ 40 مەتری ل سۆران، د لێدوانەکا ڕۆژنامەڤانی دا تهكهزى ل سەر پێدڤییا كاراكرنا دامەزراوەیێن دەولەتێ کر و ڕاگەهاند: “هەردهم د گەل هندێ بووین کو دامەزراوەیێن حکومەتێ و پەرلەمان كارا بن و ب شێوەیەکى بەرپرسانە سەرەدەریيێ د گەل بیروبۆچۆنێن خەلکێ کوردستانێ بکەن.”
سەرۆکێ حکومەتێ ئاماژە ب وێ یەکێ ژی کر، هەلبژارتن بۆ هندێ هاتینە کرن دا کو خەلک باوەریيێ بدەنە لایەنان و ئەو ژی ب وەفاداری ڤە بەرپرسایەتیيێ هلگرن. گۆتژی: “ژ ڕۆژا ئێکێ ڤە پشتەڤانێن كاراكرنا پەرلەمانی و پێکئینانا بلەز یا حکومەتێ بووین، چنکو ئەڤ چەندە د بەرژەوەندیيا خزمهتا خەلکێ کوردستانێ و خوهدی لایەنێن سیاسی دایە.”
ل دۆر بەرسڤا پسیارەکێ ل سەر پەیوەندیيێن د گەل حکومەتا فیدڕال، مەسرور بارزانی تهكهزى ل سەر پێدڤییا بجهئینانا دەستووری کر و ڕاگەهاند: “داخواز دکەین دەستوور وەک خۆ بێتە بجهئینان، مافێن خەلکێ کوردستانێ نەئێنە بن پێكرن و خزمەتگۆزاری ب شێوەیەکێ یەکسان ل سەرانسەری عێراقێ بێنە دابینکرن. هەروەسا پێدڤییە بەرنامەیەکێ تۆكمه بۆ چارەسەرکرنا وان کێشە و ئالۆزييێن هەی بێتە دانان.”