ناڤه‌ندا نووچه‌يان – سه‌ما
ئيرۆ ئێك شه‌مبوويێ 20-4-2025، ب به‌شداريا خه‌لكه‌كێ زۆر ژ ده‌ڤه‌رێن جودا جودا و ب تایبەتی خەلکێ ناحيا باعەدرێ، رێوره‌سمێن توافا شێخێ حەسەن هاتنه گێران.
درێوڕەسمان دا په‌رى هاتنه سواركرن و جوانكرن و خه‌ڵكێ به‌شداربوويى زياره‌تبوون و مجێور داوايان بۆ خه‌لكێ ئاماده‌بوويى دخوازت.
به‌شداربوويان ب كه‌يف و خۆشحاليا خۆ دەربڕین و ب ديلان و شاهى رێوره‌سمێن ڤێ هه‌لكه‌فتا ئايينى گێران و خواستن هه‌رێما کوردستانێ هەردەم ئارام و ئاڤه‌دان و پاراستى بمينت و ئه‌و جه‌ژن و هه‌لكه‌فتێن خۆ ب خۆشى بكه‌ن.
گوندێ حەسنیێ، دگەل مەزارێ “شێخ حەسەن”، ژلایێ ڕژێما بەعسا هەلوەشیای ڤە هاتینە خرابکرن، د ناڤ سیاسەتا وێ یا زۆردارییێ دژی ئێزدیان دا. لێ د سالا ٢٠١٧ێ دا، مەزار دووباره هاتە ئاڤاکرن، و ڕێوڕەسمێن ئاینی تێدا دووبارە دەستپێکرن.
هه‌ر ژ رۆژا جەژنا چارشەمبوويا سەرێ نیسانێ سەرێ سالا ئێزدیان، دەرگەهێ توافێن خاسان و باپچاکان ڤەدبت و هەتا داوماهیا سالێ به‌رده‌وام دبن.
