ناڤەندا نووچەیان – سەما
ل باژێرێ شتوتگارد یێ وەلاتێ ئەلمانيا، گەنجەکێ ئێزدی ب ئازایەتییا خۆ كارى ڕێگریێ ل تاوانەکا دلتەزین بگرت و ژیانا چەندین کەسان ژ مەترسییا مرنێ ڕزگار بکەت.
ل گۆرەی ڕاپۆرتێن پۆلیسێن ئەلمانيا ل ئهوى باژێرى، بەری چەند ڕۆژان ل ناڤەندەکا بازرگانی یا قەرەبالغ ل باژێرێ شتوتگارد، پۆلیسان گۆمانلێکرییەکێ تەمەن ٤٣ سالی دەستەسەرکر. ئەو کەسێ هاتیە گرتن، ب کێران گەف ل خەلکی و پۆلیسان دکرن و د بزاڤا ئەنجامدانا کریارەکا کوشتنێ دابوو.
پۆلیسێن باژێری ڕاگەهاند، سەرکەفتنا وان د کۆنترۆلکرنا وی گۆمانلێكرى دا، بۆ هاریکاری و چەلەنگییا گەنجەکێ ئێزدی ڤەگەڕیایە، یێ کو ل وێ ناڤەندا بازرگانی وەک “سکوێرتی” یان پاسەوان کار دکر. وی گەنجی ب ئازایەتی بەرەڤانی ژ وێ دەڤەرێ کری و هاتیە هەوارا پۆلیسان، تا کو كارين گۆمانلێکری بێ چەک بکەن و دەستەسەر بکەن بەری چوو کارەساتان ئەنجام بدەت.
پۆلیسان دياركر، ئەو کەسێ هێرشکار ژ لایێ دەروونی ڤە نەيێ جێگیره و بۆ نەخۆشخانا دەروونی هاته ڕەوانەکرن.
ئەڤ هەلوەستێ گەنجێ ئێزدی د ناڤ ڕەهەندێن جودا یێن ئەلمانی و سۆشیال میدیایێ دا دەنگڤەدانەکا ئەرێنی یا مەزن هەبوو.