سه‌ما
وەزیرێ دەرڤە یێ عیراقێ راگەهاند، حكومه‌تا عیراقێ دگه‌ل حكومه‌تا هه‌رێما كوردستانێ ب ڕێیا ليژنه‌یه‌كا لێكۆلینێ بزاڤێن دیتنا وان ئێزدییان دكه‌ن، یێن هه‌تا نۆكه دبه‌رزه.
فوئاد حسێن، وەزیرێ دەرڤەیێ عیراقێ، د کۆنفرانسێ تاوانێن داعش ل هەمبەر ئێزدیان دا گۆت: عیراقی ژ بەر تیرۆر و شەڕی ئاوارە بووینە، هەروەسا حکومەتا عیراقێ کار دکەت بۆ قەرەبووکرنا وان کەسان یێن زیانمەندێن دەستێ داعشێ بووین، دڤێت ئەم هەموو هەولێن خۆ بدەین داکو دگەل جڤاکى تێکەل ببن.
هەروەسا گۆت: وەزارەتا دەرڤە کار کریە داکو جڤاکا نێڤدەولەتی ژ وان تاوانان تێبگەهت، هەول ژی ددەین، د ڤى کۆنفرانسn دا وێ چەندێ باس بکەین کو بزانین عیراق چ ژێ دئێت د پاراستنا مرۆڤایەتیێ دا و وان ئازاران یێن خەلکێ عیراقێ هەین کێم بکەین.
ئاماژە ب وێ چەندێ ژی دا، حكومه‌تا عیراقێ دگه‌ل حكومه‌تا هه‌رێما كوردستانێ ب ڕێیا ليژنه‌یه‌كا لێكۆلینێ بزاڤێن دیتنا وان ئێزدییان دكه‌ن، یێن هه‌تا نۆكه دبه‌رزه، بۆ هندێ کو ئەو ژی ڤەگەڕنە ناڤ کەس و کارێن خۆ و دادپەروەری بێتە جێبەجێکرن و قەرەبوو بێنە کرن.
ژێده‌ر: كوردستان 24.