بنگەهێ لالش تايێ باعەدرێ 80 قوتابیێن سەرکەفتی خەلات دكت
سه‌ما
ئيرۆ پێنج شەمبوویێ 11ى تيرمه‌هێ و ل ژێر دروشمێ(زانست بهێزترین چەکە ژبۆ ئاڤاکرنا وەلاتان)،و ل ژێر چاڤدێڕی و ئامادەبوونا ڕێڤەبەرێ ناحیا باعەدرێ،ب هەلکەفتا سالڤه‌گه‌ڕا دامەزراندنا بنگەهێ لالش تایێ باعەدرێ هه‌ژماره‌كا قوتابیێن سەرکەفتی هاتنه خەلاتکرن.
ڕێورەسمێن خەلاتکرنێ ب ڕێڤەچوون ب ئامادەبوونا هه‌ڤال صالح نرمو،نوێنەرێ لقا بیست و بەرپرسێ بەشێ جەماوەری و پیشەی یا PDK ل شێخان و جومگێن ب سەرڤە و ڕێزدار سه‌عيد جردۆ،سەرۆکێ دەستەیا بلندا بنگەهێ لالش و شاندێ دگەلدا و خالد نرمو،سەرۆکێ شارەوانیا شێخان و فرج عثمان،رێڤەبەرێ پەروەردا شێخان و د. كه‌ريم كه‌مال،رێڤەبەرێ ساخلەمیا شێخان و شێرو سمو، بەرپرسێ دەزگەهێ خێرخوازیێ بارزانی ل شنگال و نوێنەرێ ئێکەتیا مامۆستایان ل باعەدرێ و ژمارەک ژ ڕەوشەنبیر و کەسایەتی و ڕیهسپی و ئەنجومەنێ مالا میران و نوێنەرێن دام و دەزگەهێن حکومی و حزبی ل باعەدرێ و دەڤەرێ ورێڤەبەرێن قوتابخانان و بنگەهێ لالش شێخان و ن. ئێسیا و سەمیانێن قوتابیان و قوتابیێن سەرکەفتی و تەخ و پێکهاتێن جودا یێن باعەدرێ و دەڤەرێ.
پشتی چەندەکێ ڕاوەستیان وەک ڕێزگرتن بۆ جانگۆريێن بزاڤا ڕزگاریخوازا کوردی سەرکێشێ وان بارزانیێ نەمر و ئەدرێسێ هەمیشە زیندوو، بەرپرسێ بنگەهێ لالش باعەدرێ خه‌لات باعەدری بخێرهاتنا گشت ئامادەبوویان کر و پیرۆزباهی ل تەڤایا قوتابیان کر و تەکەز ل سەر چەند خالێن گرنگێن پەیوەندیدار ب رەوشا زانست و قوتابیان ڤە و ڕۆلێ زانست و زانینێ و سالڕۆژا دامەزراندنا بنگەهێ لالش تایێ باعەدرێ ئینا زمان.
لدووڤدا ڕێڤەبەرێ پەروەردا شێخان دپەیڤەکێ دا پیرۆزباهی ل تەڤایا قوتابیان کر و سەرکەفتنا وان ب گرنگ ل قەلەم دا، هەروەها رۆناهی ئێخستە سەر باندۆرا زانست و زانینێ دژیانا جڤاکاندا،زێده‌بارى خۆڕاگریا مامۆستایان پێخەمەت تەمامکرنا پرۆسێسا خواندنێ ل سنورێ شێخان تەوەرەکێ دیترێ پەیڤا وی بوو.
پاشی تەڤایا قوتابیێن سەرکەفتی کو ژمارا وان هەشتی قوتابی یێن سەرکەفتی ل سەر ئاستێ پۆلێن خۆ بۆ سالا خواندنێ (2023 / 2024) ل سەنتەرێ ناحیا باعەدرێ هاتنە خەلاتکرن ب دیاریێن بنگەهێ لالش دکەش و هەوایەکی بالکێش و هەبوونا گرنژین و مۆرا بلندا ئامادەبوویان.
