ناڤهندا نووچهیان – سهما
بڕياره سبهى ڕۆژا پێنج شهمبوويێ 13-11-2025، پهرلهمانێ ئهڵمانيا كۆم بت و پرسا ديپۆرتكرنا پهنابهرێن ئێزدى گوتۆبێژ بكهت.
د. ئيرفان ئۆرتاج، سهرۆكێ ناڤهندا شێوهرمهنديا ئێزديان، بۆ سهما ئاشكراكر: ئهڤه ساڵهكه حكومهتهكا نوو يا فيدڕالى ل ئهڵمانيا هاتيه پێكئينان، بهريا ههڵبژارتنێ دياركر كو دێ كۆچبهران وهرنهگرن و يێن ههين ژى ڤهگهڕينن، نه ژبۆ ئێزديان بتنێ بهڵكوو بۆههموو وان كۆچبهرێن قهستا وى وهڵاتى دكهن.
سهرۆكێ ناڤهندا شێوهرمهنديا ئێزديان، بهحس ل وێ چهندێ ژى كر، حكومهتا ئهڵمانيا ههتا نوكه چ گاڤێن نوو بۆ ڕاوهستاندنا ديپۆرتكرنا پهنابهرێن ئێزدى ب تايبهتى نههاڤێتينه و يا بهردهوامه ل سهر ديپۆرتكرنێ.
گۆتژى: سبهى پهرلهمانێ ئهڵمانيا دێ كۆمبوونا خۆ ئهنجام دات، دتهوهرهكى دا پرسا ديپۆرتكرنا ئێزديان ژلايێ ئۆپوزسيۆنێ ڤه دێ ئێته گوتۆبێژكرن.
ل گۆڕهى ئامارێن فهرمى يێن سازيێن ئێزديان ل ههرێما كوردستانێ، پشتى هێرشا ڕێكخراوا داعش يا تيرۆرستى بۆ سهر شنگالێ پترى 120هزار ئێزديان كۆچبهربووينه و پتريا وان قهستا وهڵاتێ ئهڵمانيا كرينه.
ههڤدهم هێشتا جينۆسايدا ئێزديان بهردهوامه و ئهڤه ماوهيهكه حكومهتا ئهڵمانيا دهست ب ديپۆرتكرنا پهنابهرێن ئێزدى كرييه و ڤێ چهندێ ئێزدى دڵگرانكرينه.