سەما:
دەرهێنەرێ ئێزدی نەوزاد شێخانی پشتى سەرکەفتنا فیلمێ خۆ “توڕن: ڤەڕۆشەڤ بۆ ریشەیان” ل فێستیڤالا نەینەوا یا نێڤدەولەتی یا سینەمایی راگەهاند: “مە ب مەبەستا بەدەستخستنا خەلاتەکێ پشکداری نەکربوو، بەلکو ژ بۆ وەفاداری بۆ پەیامەکا مرۆڤاتی… ژ بەر هندێ ژی ئەڤ خەلاتە بوو سەرکەفتنەک بۆ بهاکێن وێ.”
نەوزاد شێخانی، دەرهێنەرێ دیارێ ئێزدی، تەکەز ل سەر هندێ کر کو بەرهەڤبوونا فیلمێ وی یێ درێژ “توڕن: ڤەڕۆشەڤ بۆ ریشەیان” ل فێستیڤالا نەینەوا یا نێڤدەولەتی یا سینەمایی، نە تەنێ نیشادانەکا هونەری یا دەربازبووی بوو، بەلکو هەلبژاردنەکا مرۆڤاتی بوو ژ بەر تایبەتمەندیا ڤێ باژێرێ، ئەوا کو وەلاتێ وێ نەخۆشیێن تیرۆر و توندڕەوییێ دیتین، هەروەسا گەلێ مە یێ ئێزدی ژی چەندین نەهامەتی و ژناڤبرنا بکۆم و کۆیلەکرنا ژنێن مە و ئەو برینێن کووڕێن دەروونی و مرۆڤاتی یێن پاشماوەیێن وان ڕووداوان دیتین.
د داخۆیانیەکا رۆژنامەڤانی دا، شێخانی فەلسەفا کارێ خۆ ڕۆنکر و گۆت: “مە دڤیا پەیاما فیلمی بگەهینە باژێڕەکێ کو قەهر و خرابکاری دیتین و پاشان ژ نوو رابوویڤە. سازکرنا فێستیڤالەکا نێڤدەولەتی یا سینەمایی ل باوەشا وێ، تەنێ دەربڕینەکا زندییە ژ ئیرادا نەوەیەکو نۆژەن کو هەوڵ ددەت پەڕەیا بورییا تاریک بپێچت و ڤەکری بت بەرەف سەردەمەکێ کو ژیان تێدا ب چاند، هونەر و هزرێن مرۆڤاتی دگەش بت.”
شێخانی ئاشکرا کر، پەیوەندی ب رێڤەبەریا فێستیڤالێ ڤە ب حەزا راستی یا نیشادانا فیلمی بۆ مێهڤانێن خۆمالی و نێڤدەولەتی دەستپێکر، چ ل ڕێوڕەسمێن ڤەکرنێ بن یان ژ دەرڤەی بازنێ پێشبڕکییێ. ل دەمەکی کو کوالیتیا بلند یا فیلمی و پەیامێن وی یێن مرۆڤاتی لژنەیا هەلبژارتنێ ناچار کر کو وی ل ناڤ پێشبڕکییا فەرمی بگرن، و ئەڤەش دەرفەتەک دا کو بەلاڤبوونەکا مەزنتر یا راگەهاندنێ و جەماوەری ب دەستڤە بئینت.
529 فیلم ژ هەموو دەڤەرێن جیهانێ هاتبوون پێشکێشکرن بۆ فێستیڤالێ.
دەرهێنەر نەوزاد شێخانی داخۆیانیا خۆ ب پەیامەکێ تێر کر کو ئالییێ هێمایی یێ ڤی دەستکەفتی دیار دکەت، و گۆت: “ل نەینەوا، مە نە تەنێ ئاهەنگا خەلاتەکێ ماددی گێرا، بەلکو مە ئاهەنگا سەرکەفتنا هونەری، هێلانەوەیا بێخۆدییا بیروەرییێ، و پاراستنا کەرامەتا مرۆڤی گێرا د بەرانبەر چاندا ڕقێ و بژبیرکرنێ دا.”