ناڤهندا نووچهيان – سهما
مير حازم تهحسين بهگ، ميرێ ئێزديان ل كوردستان، عێراقێ و جيهانێ ل گهڵ لورد كولينس، نوونهرێ سهرۆكوهزيرێن بريتانيا بۆ بهرههنگاربوونا توندوتيژيا جهستهيى ل دهمێ شهڕان و وهزيرێ مافێ مرۆڤى كۆمبوو.
ب گۆڕهى نڤيسينگهها جڤاتا ڕۆحانى يا بلند يا ئێزديان ڕاگههاندييه، د ههڤديتنێ دا ب بهرههڤبوونا مهيان خێرێ بهگ، خاتوونا ئێكێ يا ئێزديان و د.خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزديان و كونسۆل برين تهحسين بهگ، ميرێ ئێزديان ئهو جينۆسايدا بسهرێ جڤاكا ئێزديان دا هاتى ب شێوهيهكى گشتگير ل سهر دهستێ ڕێكخراوا داعش يا تيرۆرستى ل دهمێ دهست بسهر شنگالێ دا گرتى ل 3ى تهباخا2014 بهحسكر.
دووپاتكر، شوونوارێن جينۆسايدێ هێشتا ماينه و يا بهردهوامه، چهندين گۆڕێن بكۆم نههاتينه هڵدان و چارهنڤيسێ ب ڕهڤانديێن ئێزدى يێ ديارنينه، سهربارى ژناڤچوونا ڕێكخراوا تيرۆرى ل عێراقێ و سووريێ.
دياركر ژى كر، ئاوارهيێن شنگالێ ل كهمپان د ڕهوشهكا پهريشان دانه و نهبوونا ئاراميێ ل دهڤهرا شنگالێ مهترسيهكا ڕاسته ڕاسته ل سهر جڤاكێ ئێزدى.
ههروهسا ميرى خواست پهنابهرێن ئێزدى ب زۆرهمڵێ ل بريتانيا و ئهورۆپا نهڤهگهڕينن، ژبهر ڕهوشا وان يا تايبهت و پتر پشتهڤانى يا دووباره پێگههاندنا ڕزگاربوويان بكهن.
ژلايێ خۆ ڤه، نوونهرێ سهرۆكوهزيرێن بريتانيا و وهزيرێ مافێ مرۆڤى لورد كولينسن دووپاتكر، كو حكومهتا بريتانيا يا پابهنده ل سهر پشتهڤانيكرنا مافێن ئێزديان و كار ل سهر سهقامگيريا شنگالێ و دووباره ئاڤهندانكرنا باژێرى بكهن و گۆت: حكومهتا بريتانيا دێ مينت مل ب ملێ ئێزديان.
ل داويێ ميرێ ئێزديان سوپاسيا حكومهتا بريتانيا كر بۆ ناساندنا جينۆسايدا ئێزديان و ههڤكاريكرنا جڤاكێ ئێزدى دماوێ 10 ساڵێن بۆرى دا.
