نێزیکی 800 قوتابیێن شنگالێ گه‌هشتنه دهۆکێ
سه‌ما
نێزیکی 800 قوتابیێن کچ و کوڕ یێن پۆلا 12ێ ئاماده‌يى يين دەڤەرا شنگالێ گەهشتنە دهۆکێ.
هەموو پێتڤیێن ژیانێ و جهێن ڤەحەواندنێ بۆ قوتابيان هاتينه بەرهەڤكرن،كو قوتابيێن كچ هاتینە ڤەحەواندن ل کەمپا شەهید شیفا گەردی،قوتابیێن کور ژی ژلايێ ئێكه‌تيا قوتابيێن شنگالێ دێ ئێنه حه‌واندن.
مەردان ئەترووشی، بەرپرسێ پشکێن نافخوەیی ل زانکۆیا دهۆکێ ڕاگه‌هاند؛ئيرۆ سپێدێ 422 قوتابیێن کچ و پتری 300 قوتابیێن کوڕ یێن دەڤەرا شنگالێ گەهشتنە دهۆکێ، ل سەر راسپاردێن سەرۆکێ زانکۆیا دهۆکێ، مە پشکێن نافخوەی ب هەموو پێدڤیێن خوڤە بۆ قوتابیێن کچ ل پشکێن نافخوەیی یێن شیفا گەردی دابینکرن، قوتابیێن کور ژی ژلايێ ئێكه‌تيا قوتابيێن شنگالێ ڤه هاتينه حه‌واندن.
هەتاکو ئەزمونێن پۆلا 12ێ ب داوی دئێن، ئەڤ قوتابیە دێ مینن و هەموو پێدڤیێن وان دێ بۆ ئێنە دابینکرن.
ئەڤە بۆ دەمێ شەش سالایە زانکۆیا دهۆک قوتابیێن کچ كوڕ يێن شنگالێ پێدڤيێن وان ب خۆڤە دگریت.