ناڤهندا نووچهیان – سهما
سەرۆک بارزانی د پەیامهکێ دا ڕاگههاند؛ ئەو تاوانا نامرۆڤانە يا تیرۆرستێن داعشێ دوازدە سالان بهرى نهۆ بەرانبەر ئێزدييان هاته ئەنجامدان، ژ بهر ناسنامەيا کورد و ڕەسەنایەتييا ئۆلى بوو. د سالڤهگهڕا ئهڤێ جينۆسايدێ دا، سلاڤ بۆ ئەوان پێشمەرگەيێن قارەمان دهنێرين کو ئەفسانەیا داعشێ تێکشاندى و داخوازێ ژ ئێزدییان دکەین بۆ مسۆگەركرنا پاشەڕۆژهكا گەشتر، ئێكرێزييا خۆ بپارێزن.
دەقێ پەیاما سەرۆك بارزانی:
ب ناڤێ خۆدایێ مەزن و دلوڤان
ئەو تاوانا تیرۆرستێن داعش دوازدە ساڵان بەری نوکە ل دژی خویشک و برایێن مە یێن ئێزدی ئەنجامدای، ئازارەکە بۆ هەتا هەتایێ دی ل بیرا کوردستانییان مینیت.
ئێزدی ژبەر کوردبوون، رەسەناتی و بیروباوەرێن خوە یێن ئایینی، کەفتنە بەر هێرشا کین و رەفتارێن نەمرۆڤانە یێن تیرۆرستێن داعش و هاتنە جینۆسایدکرن، ئەو تاوانا ل سەر دەستێ داعش ل دەڤەرا شنگالێ هاتیە کرن، درێژەپێدەرا وێ زنجیرا کارەسات، کۆمکوژی و تاوانان بوو یێن د درێژاهییا دیرۆکێدا ل دژی گەلێ کوردستانێ هاتینە ئەنجامدان.
ل دوازدەمین ساڵیادا وێ کارەساتێ، سلاڤ بۆ گیانێ شەهیدان و قوربانیێن وێ تاوانێ، سلاڤ بۆ دلێری و چاڤنەترسییا وان پێشمەرگەیێن قارەمان یێن ل سەر چیایێ شنگالێ ماین و رێ نەدای دەستێ تیرۆرستان بگەهیتە چیایێ شنگالێ، سلاڤ بۆ وەفا و ئازایەتییا هەمی وان پێشمەرگەیێن قارەمان یێن بۆ شکاندنا دۆرپێچا چیایێ شنگالێ و ئازادکرنا باژێرێ شنگالێ خوینا خوە بەخشی و ئەفسانەیا داعش تێکشکاندی.
ژدل سوپاسیێن خوە ئاراستەی هەر تاکەکێ سەربەرزێ کوردستانێ دکەین، کو وەک ئێک جەستە هەڤسۆز و هەڤخەمێن خویشک و برایێن ئێزدی بوون.
هەروەسا ژ دل سوپاسگوزارییا خۆ ئاراستەیی هەموو تاكەكێ سەربلندێ كوردستانێ دكەین، كو وەكو ئێك جەستە هەڤسوز و هەڤخەمێن خووشك و برایێن ئێزدی بوون، دگەل ڕێز و سوپاسییێن مەزن بۆ هێزێن هەڤپەیمانان كو ڕۆلەكێ دیار دهاریكاریكرنا پێشمەرگەیی و پاشڤەبرن و شكاندنا تیرۆرستاندا هەبوو.
ل یادا وێ كارەساتێ بۆ خووشك و برایێن ئێزدی دووپات دكەم، دێ ب هەموو شیانان پشتەڤانییا حەز و داخوازییێن وان بم، داخوازێ ژێ دكەم ژ پێشمەخەت مسۆگەركرنا پاشەرۆژەكا گەش دناڤخۆدا ئێك ڕێزبن و هیڤی ب پاشەرۆژێ هەبن، بێگومان ئەو ڕەوشا سەپاندی و نەئاساییا ل شنگالێ هەی بۆ هەتا هەتایێ نابیت، دڤێت خووشك و برایێن مە یێن ئێزدی ب سەربلندیڤە ڤەگەرنە جهێن باب و باپیرێن خۆ و قەرەبوویا زیان و ئازارێن وان بهێتە كرن.
هزاران سلاڤ ل گیانێ پاقژێ شەهیدێن شنگالێ و هەموو شەهیدێن ڕێیا ئازادییا كوردستانێ.
مەسعود بارزانی
3ی ئابا 2026ێ