ناڤەندا نووچەیان – سەما
د چارچۆڤێ بزاڤێن حکومەتا ههرێما كوردستانێ و ئالييێن پەیوەندیدار بۆ باشترکرنا ڕێک و بانان، ئيرۆ ئێک شەمبوويێ 29ـى ئادارا 2026، کارێن سەخبێرکرن و چێکرنا کەندو کۆڕێن ل سەر ڕێيا سەرەکی یا د ناڤبەرا (ئالۆکا – بهدریکێ) دا بەردەوام بوون.
رێڤهبهرييا سهخبێرى و پاراستنا رێك و پرا ل دهۆكێ دياركر، ئەڤ پڕۆژەیە ب مەرەما پاراستنا سلامەتییا شۆفێران و ئاسانکاری د هاتنۆچۆنا وهلاتییان دا دئێتە ئەنجامدان، پشتی کو هندەک پشکێن ڤێ ڕێ تووشی تێکچوونێ ببوون ژبهر بارانبارينێ و ببوونە ئەگەرێ ئاستەنگییان بۆ هاتنوچۆنا ترۆمبێلان.
ئاماژه ب وێ چهندێ دا، تیمێن تەکنیکی یێن تایبەت ب ڤی کاری، ب مەرەما کێمکرنا مەترسییێن هاتنوچۆنێ و نۆژەنکرنا ڕێيێن ستراتیژی یێن دەڤەرێ، بەردەوامن د کارێ خۆ دا تا کو ڕێ ب تەمامی بێتە سەخبێرکرن و ب شێوازەکێ گونجای بکەفتە د خزمەتا وەلاتییان دا.