ناڤەندا نووچەیان – سەما
ميرێ ئێزديان دپه‌يامه‌كێ دا راگه‌هاند؛ ناساندنا جينۆسايدا ئێزديان ژلايێ په‌رله‌مانێ سويسرا ڤه، پێنگاڤه‌كا گرنگه بۆ دادپه‌روه‌ريێ و دادمه‌نديا قوربانيێن جينۆسايدێ.
حازم ته‌حسين به‌گ، ميرێ ئێزديان ل كوردستان، عيراق و جيهانێ، ئيرۆ 18ى كانوونا ئێكێ 2024ێ، دپه‌يامه‌كێ دا راگه‌هاند:د انپێدانا په‌رله‌مانێ سويسرا ب جينۆسايدا دژى ئێزديان ئه‌وا رێكخراوا داعش يا تيرۆرستى ئه‌نجامدايى، ئيرۆ جهێ دلخۆشيا مه‌يه و د ده‌مه‌كى دا ئه‌م رێوره‌سمێن ڕۆژيێن ئێزى دگێڕين.
ميرێ ئێزديان گۆت: “ئه‌م دوێ باوه‌ريێ داينه كو ئه‌ڤ دانپێدانه نوونه‌راتيه‌كا دييه بۆ وان په‌رله‌مانێن كه‌يسا ئێزديان ب جينۆسايد ناساندندى و پێنگاڤه‌كا گرنگه بۆ دادپه‌روه‌ريێ و دادمه‌نديا قوربانيان”.
دوپاتكر، ئه‌ڤ پێنگاڤا په‌رله‌مانێ سويسرا كرى، ژ ئه‌نجامێ پێكۆلێن وان بوويه يێن پێشكێشى لايه‌نێن نێڤ ده‌وله‌تى كرى كو دانپێدانێ ب ئه‌وا بسه‌رێ ئێزديان دا هاتى ل 3/8/2014ێ بكه‌ن.
دوهى ڕۆژا سێ شه‌مبوويێ 17/12/2024ێ، پەرلەمانێ سویسرا ب 105 دەنگێن بەلێ بەرانبەر 61 دەنگێن نەخێر تاوانێن داعشێ ل دژی ئێزدیان ب جینۆساید ناساندن.