ناڤهندا نووچهیان – سهما
چاڤێ ئێزديان ل حكوومهتا نوو يا عێراقێ يه وهزارهتهكێ يان پلهيا وهزير وهربگرن و ب مافێ خۆ دزانن.
دووشهمبوويێ 24ـی چريا دووێ 2025، جههوهر عهلی بهگ، وهكيلێ ميرێ ئێزديان، بۆ سهما ڕاگههاند: ل ههرێما كوردستانێ و عێراقێ ئێزدی پێکهاتەیهکا ڕەسەنن، ئەم داخواز دکەین کو د کابینا نوو یا حکومەتا عێراقێ دا وەزارەتەک يان پلهيا وهزير ب ئێزدیان بێتە دان، داكو پتر خزمەتا جڤاكێ ئێزدی بێتە کرن و مافێن خەڵکێ مە بێنە دان و پاراستن و نابت غەدر ل ئێزديان بێتە کرن.
ئاشكراكر:”پێدڤیە حکومەتا بێت یا عێراقێ دەست ب بجهئینانا ڕێککەفتنا شنگالێ و و ئاڤەدانی و قەرەبوویا خەڵکێ شنگالێ ژی بکەت و كهيسا ئاوارهبوويێ ب داوى بينت.”
زێدهترى يازده ساڵانه ب سهر جينۆسايدا ئێزديان دا دهرباز دبن، حكومهتێن لدووڤ ئێكێن عێراقێ هێشتا ب ئهركێ خۆ ههمبهرى كهيسا ناساندنا جينۆسايدا ڕانهبوويه و هێشتا ب هزاران ئاوارهيێن ئێزدى ل ناڤا كهمپاندا ل سنوورێ پارێزگهها دهۆكێ ژيانا خۆ دهرباز دكهن، ژبهر نهبوونا خزمهتگۆزاريان نكارن ڤهگهڕنه سهر دهڤهرێن خۆ ڤه.