ناڤەندا نووچەیان – سەما
درەنگيا شەڤا ئێك شه‌مبوويێ، 12ی کانوونا دووێ 2025، د ڕاگەهادنه‌كێ دا، حکومەتا هەرێما کوردستانێ راگەهاند، ل دووڤ ماددەیێ 140، دڤێت ریفراندۆم ل کەرکووک و ناڤچەیێن ناکۆکی ل سەر بێتەکرن و و حکومەتا فیدرالی پابەندکریە کو بەری 31ی کانوونا ئێکێ یا 2007ێ ڤێ پرۆسەیێ بجهبئینت.
حکومەتا هەرێما کوردستانێ پەیامەک بەلاڤکر و تێدا هاتییە: ل دووڤ ماددەیێن 140 یێ دستوورێ عیراقێ، دڤێت پرۆسەیا ریفراندۆمێ ل کەرکووک و ناڤچەیێن ناکۆکی ل سەر بێتەکرن و حکومەتا فیدرالی پابەندکریە کو بەری 31ی کانوونا ئێکێ یا 2007ێ ڤێ پرۆسەیێ بجهبئینت.
دبێژت: چ نوکە و چ بیست سالێن بۆری، هەموو حکومەتێن ئێک ل دووڤ ئێک یێن عیراقێ د کرنا ڤێ ریفراندۆمێ دا شکەستن ئینایە و نوکە حکومەتا عیراقێ بەرهەڤییان دکەت ب شێوەیەکێ تاکئالی، نەفت و گازا ڤان ناڤچەیان ببەت. د دەمەکی دا کو خەلکێ کوردستانێ، د چارچووڤێ ماددەیی 140 دا، داخوازا رەوا یا ڤان ناڤچەیان دکەت.
ئاماژه ب وێ چه‌ندێ دا، ماددەیێن 140 و 115 یێن ده‌ستورێ ئیراقێ یێ سالا 2005ێ، مافێ رەها و تاکئالی دایە حکومەتا هەرێمێ کو زەڤیێن نەفت و گازێ یێن نوی ڤەدیتی برێڤەببەت. هەروەسا ماددەیێ 112ێ ئاماژێ ددەتە وێ چەندێ کو حکومەتا فیدرالی و یا هەرێمێ زەڤییێن نەفت و گازێ یێن بەرێ ب هەڤپشکی برێڤەببەن، وەکی ئەوێن کەرکووک و ناڤچەیێن دەوروبەرێ وێ.
راگه‌هاند ژى: بەغدا هاتییە پابەندکرن کو ل گەل هەرێمێ سەبارەت دابەشکرنا داهاتێ وان زەڤییێن کەڤن رێکبکەڤیت، حکومەتا هەرێمێ بەردەوام بەرهەڤ بوویە کو بۆ ڤێ رێککەفنێ پشکدارببیت، لێ حکومەتا فیدرالی ب بەردەوامی خۆ ژ بەرپرسیارەتییێن دەستووری ڤەدزییە.
هه‌روه‌سا گۆتييه: حکومەتا عیراقێ بزاڤا وێ چەندێ دکەت کو گرێبەستێن نەفت و گازێ ئیمزا بکەت بێی ماددەیێن ده‌ستووری ب گشتی و ماددەیێن 140 و 112 بەرچاڤ وەربگریت. حکومەتا هەرێمێ ب مافێ خۆ یێ ده‌ستووری دبینیت، ب هەموو رێکارێن جودا کو د دەستەبەر بن، بەرگرییێ ژ مافێن خۆ یێن دستووری بکەت و دێ کاری ل سەر جێبەجێکرنا یاسایان کەت بۆ پاراستنا مافێن ده‌ستوری یێن خەلکێ کوردستانێ و کەرکووکێ.