ژڤانه‌كێ نوو بۆ هه‌لبژارتنێن په‌رله‌مانێ كوردستانێ هاته دیاركرن
سه‌ما
دلشاد شه‌هاب په‌یڤدارێ سه‌رۆكایه‌تییا هه‌رێما كوردستانێ ڕاگه‌هاند، ڕۆژا 20ى چریا ئێكێ بۆ ب ڕێڤه‌چوونا هه‌لبژارتنێن په‌رله‌مانێ كوردستانێ هاته دیاركرن.
دلشاد شه‌هاب، په‌یڤدارێ سه‌رۆكایه‌تییا هه‌رێما كوردستانێ د كۆنگره‌یه‌كێ رۆژنامه‌ڤانى دا ڕاگه‌هاند،پشتى دانوستاندن ل گه‌ل ئالیێن سیاسى هاتییه‌كرن و خواندن بۆ پێدڤیێن هه‌لبژارتنان هاتینه كرن و سه‌رۆكێ هه‌رێما كوردستانێ كوردستانێ فه‌رمانا هه‌رێمى ده‌رخست،فه‌رمانا هه‌رێمى ژماره 222 یا سالا 2024 پالپشت ب بڕگا دوێ ژ ماددێ ده‌هێ یا ژ قانوونا سه‌رۆكایه‌تییا هه‌رێما كوردستانا ئیراقێ ژماره ئێك یا سالا 2025 یا راسته‌ڤكرى مه بڕیار دا
دیاركرنا 20-10-2024ێ ب ده‌ما ئه‌نجامدانا هه‌لبژارتنێن گشتى بۆ خۆلا شه‌شێ یا په‌رله‌مانێ كوردستان هاته دیاركرن
هه‌مى ئالیێن په‌یوه‌ندیار دێ پابه‌ند بن ب ئه‌نجامدانا كارێ پێدڤى بۆ هاریكاری و هه‌مانهه‌نگیێ لگه‌ل كۆمسیۆنا بلندا هه‌لبژارتنا بۆ بجهئینانا ڤێ فه‌رمانێ.
ئه‌ڤ فرمانه دێ ژ رووژا ده‌رچوونا وێ هێته بجهئینان و دێ ل رۆژنامه‌یا فه‌رمى هێته به‌لاڤكرن.
نێچیرڤان بارزانى
سه‌رۆكێ هه‌رێما كوردستانێ
26-6-2024
كۆمسیۆنا هه‌لبژارتنێن ئیراقێ پێشتر ژڤانه‌ك بۆ سه‌رۆكایه‌تییا هه‌رێما كوردستانێ دیاركربوو كو ئه‌و دشێن د وێ رۆژێ دا هه‌لبژارتنان بكه‌ن.