بنگەهێ لالش بەشداری ل مژارا ب داوی هاتنا کارێ “یونیتاد” كر
سه‌ما:
ل دهۆكێ مژاره‌كا ڤه‌كرى ل دۆر ب داوى هاتنا كارێ تيما “يونيتاد” ل عيراقێ ب ڕێڤه‌چوو،ئاماده‌بوويان بریارا ڤەکێشانێ ب نەرێنی ل سەر هەرێما کوردستانێ و ئاواران و کۆچبەران ل قەلەمدا.
ل سەنتەرێ ڕەوشەنبیریێ زانکۆیا دهۆکێ و ب به‌شداريا شانده‌كێ بنگەهێ لالش و هه‌ژماره‌كا كه‌سايه‌تى وسازيان،ئيرۆ ئێك شه‌مبوويێ 2ى حوزه‌ير‌انێ،ڕوونشتنەکا ڤەکری ل دۆر مژارا ب داوی هاتنا کارێ یونیتاد ل عیراقێ هاته ڕێكخستن،تێدا چەندین بابەت هاتنە گوتۆبێژکرن ژوانژی ڤەکێشانا یونیتادێ کو د پلانا حکومەتا عیراقێ دایە داویێ ب کارێ وان بینت.
ئامادەبوویان بریارا ڤەکێشانا یونیتادێ ب نەرێنی ل سەر هەرێما کوردستانێ و ئاواران و کۆچبەران ل قەلەمدا،كو ئەڤێ تيمێ ژ دەستپێکا کارێ خۆ هەتا نۆکە کۆمەکا مەزن یا بەلگەنامەیان ل دۆر جينۆسایدا ئێزدیان ل سالا ۲۰۱٤ێ کۆمکرینە و تا نۆکە د بەردەوامن.
حکومەتا عیراقێ برياردايه ل داویا ئيسالە داویێ ب کارێ تيمێ ناڤبرى بینت و ڤێ چه‌ندێ جڤاكێ ئێزدى دلگرانكريه.
