د. نزار بەکر: هەتاڤا نۆکە یا دژوارە و کارتێکرنێ ل سەر زارۆکان دکەت
باسنيوز:
شیرەتکارەکێ نەخۆشیێن زارۆکا ل دهۆکێ دیار کر هەتاڤا نوکە گەلەک یا دژوارە، دبیتە ئەگەرێ بلندبوونا پلا گەرماتیا زارۆکا، هەروەسا بیتە ئەگەرێ نەمانا روناتیێ د لەشی دا و هشکبوون دەف زارۆکێ پەیدا بیت، و هشکبوون گەلەک یا مەترسیدارە ل سەر ژیانا زارۆکی، ب تایبەت ل سەر گۆلچیسکا.
د.نزار بکر، شیرەتکارێ نەخۆشیێن زارۆکا ل دهۆکێ راگەهاند، هەتاڤا نوکە گەلەك یا دژوارە وکارتێکرنێ سەر زارۆکان دکەت و دەمێ دایک دبینیت زارۆکێ وێ تووشی دلرابوون و هشکبوونێ بوو، پێدڤیە مغەدی بدەتێ و شیری و ماستی بدەتێ، ژ فێقیا موزێ دەتێ یا باشە، و ئەگەر دیت زارۆک بێهێزبوو، و دلرابوون و زکچوون بو چێبو، پێدڤیە ب زوویترین دەم زارۆیێ خوە ببەتە بنگەهێن ساخلەمی، یان نەخۆشخانێ، ژبەرکۆ رەنگە پێدڤی روناتیێن “وەریدی” بیت، و سێلانێ بدەنێ، لازمە دایک و باب هشیاری جگارکێشانێ و یاریێن ب زیان ۆ هشیاری زارۆیێن خوە بن.