سترانبێژێ نه‌مر(ناسر ئەلیاس بابێ کارین)
سه‌ما
ناسر ئەلیاس ل سالا ١٩٨٢ێ ل کۆمەلگەها تلقەسەب ل باشورێ چیایێ شنگالێ ژ دایک بوویە ناسر ل سالا ١٩٨٩ دچە بەر خواندنێ ل گوندێ خوە
و ل سالا ١٩٩١ دەست ب گۆتنا سترانا فلکلۆری یا چیایێ شنگالێ دکە
بەلێ د نەهـ ٩ سالیا خوەدا دبە حەسکریێ ستران و فلکلۆرا چیایێ شنگالێ و گەلک پێ داخبار دبە و هەروسان گەلەک داخباری کەسایەتی و سترانا سترانڤان(قەوالێ شێخ مووس)دبە و سترانێن وی دبێژە.
و دعەمرێ خوە کچک دا و ب دەنگێ خوەی زەلال ژبۆ ستران گۆتنێ کاری گەلک حەسکریان و هەڤالان ل دۆر خوە کۆم بکە و بەردەوام سترانان ژ وانرە بێژە.
ل سالا ١٩٩٥ێ ژ بەر رەوشا ئابوری دەست ژ خواندنێ بەرددە ئانکو بتنێ شەش سالان ل قوتابخانێ دخوینە و بەردەوام ل ئاستێ خوەی قوتابخانێ و دناڤ هەڤالێن خوەدا یێ یەکێ بوو
ناسر د ناڤ زارۆکێن مالا خوەدە بتنێ کور بوو و شەش خوشکێن وی هەبوون بابێ وی کارێ جۆتکاریێ ل چیایێ شنگالێ دکر
ناسر د ١٦ شازدە سالیا خوەدا ل سالا ١٩٩٨ دە کەچا بناڤێ نارین مراد ژ خوەرە د خوازە و ژ ئەنجامێ وێ زەواجێ هەفت ٧ کەچێن وان چێدبن
گەلک جاران ناسر و داکا خوە(بەهار) ب یەکرا سترانان دبێژن و ب وێ دەنگبێژیا خوە دلێ خوە و دۆست و هەڤالان ب سترانا چیایێ شنگالێ خوەش و گەش دکن.
ژ بەر کو خودێ ت کور نەدانە ناسر مالا ناسر وی مەجبور دکن کو جارەکا دی بزەوجە
ل ١٧ی گولانا ٢٠١٣ێ ب (بەیازا دەلۆ) رە د زەوجە ژبۆ کو خودێ کورەکی بدەتێ
پشتی دوو مەهـ و چار رۆژان ژ زەواجا وی یا جارا دووێ ناسر و مامێ خوە(خێرۆ) ل سەر ریا ناڤبەرا گوندێ زۆرەڤا و گرشەبەک دا ترۆمبێلا وان دقولبت و ل ٢١ی تیرمەهێ دا ل سالا ٢٠١٣ێ ناسر دچە بەر دلۆڤانیا خودێ.
دوو دۆستێن ناسر یێن پر نێزیک هەبوون یەک ژ وان خدر براهیم و یێ دی هەڤالێ وی یێ هونەری جەلۆ بابێ فەرحان بوو ژ بەرکو پر ژ ناسر حەز دکرن ب مرنا وی پەریشان و خەمگین بوون
پشتی وەغرکرنا ناسر کورەکی وی ژ هەڤژینا وی نارین مراد چێدبە و ناڤێ وی دکنە (ناسر) یانی ناڤێ ناسرێ رەحمەتی لێ دکن.
ژێدەر:گۆڤارا دیجلە ژمارە ٦