سەرۆکێ حکومەتا هەرێما کوردستانێ سەرەدانا پەرستگەها لالش کر
سه‌ما:
مەسرور بارزانی، سەرۆکێ حکومەتا هەرێما کوردستانێ،سەرەدانا پەرستگەها لالش ل شێخان کر و دياركر كو ئێزدی خوشك و برایێن مەنە و كوردێن ڕەسەنن.
ل ڕۆژا دووشه‌مبوويێ 3ى حوزه‌يرانا 2024ێ،مەسرور بارزانی، سەرۆکێ حکومەتا هەرێما کوردستانێ د درێژاهییا سەرەدان و چالاکییان ل سنوورێ پارێزگەها دهۆکێ، سه‌ره‌دانا پەرستگەها لالش ل شێخان کر.
سەرۆکوەزیران مەسرور بارزانی د لێدوانەكێدا ڕاگەهاند؛جهێ شانازییێ یە و د كەیفخۆشین کو دەرفەت هەبوویە ژ نێزیك مە سەرەدانا پەرستگەها لالش كری و میرێ ئێزدیان و جڤاتا رۆحانی ببینین و دووپات ل هندێ كر كو ئێزدی ئێكە ژ ئایینێ ڕەسەنێ کوردستانێ.
سەرۆکوەزیران مەسرور بارزانی گۆت ژی:هیڤیدارم ئەم بشێن زێدەتر خزمەتا خوشك و برایێن ئێزدی بکەین و دووپات کر کو ئێزدی خوشك و برایێن مەنە و كوردێن ڕەسەنن.
د به‌شه‌كێ دى يێ لێدوانێ دا،سەرۆکوەزیران مەسرور بارزانی ڕاگەهاند،دڤێت کار بکەین، ئەو ئێزدیێن ل شنگال ئاوارەبووين، هەرچەندە نۆكه ل وه‌ڵات و ل ناڤ خوشک و برايێن خۆ دانه،ب سەربڵندی و کەڕامەت ڤه‌گەڕنەوە سەر زێدی خۆی و دەسەڵات و ئاسایشا ده‌ڤه‌رێ د دەستێ واندا بت.