شانده‌كێ بنگه‌هێ لالش سه‌ره‌دانا هه‌ژماره‌كا كه‌سايه‌تيان دكه‌ت
سه‌ما
ب مه‌ره‌ما پيرۆزباهيكرنا جه‌ژنا قوربانێ،شانده‌كێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ سه‌ره‌دانا هه‌ژماره‌كا كه‌سايه‌تيێن ده‌ڤه‌رێ كر.
ل ڕۆژا سێ شه‌مبوويێ 18/6/2024ێ،ڕێزدار “سه‌عيد جردۆ” سه‌رۆكێ بنگه‌هێ لالش و دگه‌لدا ئه‌ندامێن ده‌سته‌يا بلند سه‌ره‌دانا هه‌ژماره‌كا كه‌سايه‌تى و به‌رپرسان ل ناڤا سه‌نته‌رێ دهۆكێ كرن و جودا جودا جه‌ژنا قوربانێ ل وان پيرۆزكر و خواست جه‌ژنا خێر و خۆشيێ بت بۆ ته‌ڤايا پێكهاتێن كوردستانێ.
ژبۆ مكومكرنا گيانێ برايه‌تى و پێكڤه‌ژيانێ،ل هه‌موو جه‌ژن و هه‌لكه‌فتان ئايين و پێكهاتێن هه‌رێما كوردستانێ و ب تايبه‌ت ل پارێزگه‌ها دهۆكێ سه‌ره‌دانا هه‌ڤدوو دكه‌ن و جه‌ژنان پيرۆز دكه‌ن.
