عیراق.. د مەهەکێ دا 5537 هەڤژین ژێکڤەبووینە
گاڤ
ل ئیراقێ د مەهەکێ دا پتر ژ 5 هزار و 500 حالەتێن ژێکجودابوونا هەڤژینان هاتینە تۆمارکرن و ل بەرانبەر وێ، پتر ژ 21 هزار و 850 حالەتێن پێکئینانا هەڤژینییێ هەبووینە.
جڤاتا بلند یا دادوەرییا ئیراقێ ئامارێن ژێکجودابوون و پێکئینانا هەڤژینییێ ل مەها نیسانا ئەڤ سالە بەلاڤ کرن و ل گۆرەی ئاماران، د مه‌ها نیسانێ دا 5 هزار و 537 حالەتێن ژێکجودابوونا هەڤژینان و 21 هزار و 851 حالەتێن پێکئینانا هەڤژینییێ ل دادگەهێن ئیراقێ هاتینە تۆمارکرن.
ل گۆرەی دویڤچوونێن پێشتر یێن گاڤ، پترییا حالەتێن ژێکجودابوونا هەڤژینان ل پارێزگەها دهۆکێ، ژ ئەگەرێ مایتێکرنا کەسوکاران و هەروەسا ژ ئەگەرێن دارایی یە.