خێزانێن ڤه‌گه‌رياينه شنگالێ كڕێدارن
سه‌ما
ل هه‌مبه‌رى ڤه‌گه‌ريانا ئاواره‌يان ل كه‌مپان بۆ شنگالێ،حكومه‌تا عيراقێ 4مليۆن دينار بۆ هه‌ر خێزانه‌كێ ته‌رخانكرينه،ئاواره ژى دبێژن ئه‌و نكارن بڤى كوژمه‌ى خانيێن خۆ دووباره ئاڤه‌دان بكه‌ن.
پرانيا خێزانێن ڤه‌گه‌رياين يێن ده‌ڤه‌رێن جواديێن شنگالێ ل ناحيا سنوونێ دمينن و دخانيێن كرێدانه و داخوازێ ل حكومه‌تێ دكه‌ن كوژمه‌يێ دياركرى يێ قه‌ره‌بوويێ زێده بكه‌ن.
سه‌ردار گولو،ئاواره‌يه‌كێ خه‌لكێ شنگالێ يه دياركر؛پشتى ڤه‌گه‌رياينه سه‌ر جهـ و وارێن خۆ ڕه‌وشا مه خرابتر بوويه ژبه‌ر نه‌بوونا خزمەتگۆزاریان و فەرمانگەهێن فەرمی ل دەڤەرێ.
ژلايه‌كێ دى ڤه سه‌لمان به‌شار ئاواره‌يه‌كێ دى يێ شنگالێ يه دبێژت:ئه‌ڤه 6 ساله ڤه‌گه‌رياينه شنگالێ،پتريا خانيێن وه‌لاتيان ژلايێ داعشێ ڤه هاتينه خرابكرن و ئه‌ڤ كوژمێ 4مليۆن ديناران يێ حكومه‌تا عيراقێ پێشكێشى ئاواران دكه‌ت كو ڤه‌گه‌رنه شنگالێ يێ كێمه بكارن خانيێن خۆ ئاڤه‌دان بكه‌نه ڤه.
نايف سه‌يدۆ،قايممقامێ شنگالێ ب وه‌كاله‌ت گۆت:پێدانا به‌خشينا 4مليۆن ديناران وه‌ك قه‌ره‌بوو بۆ ئاوارێن ڤه‌دگه‌رنه شنگالێ ل ئاستێ پێدڤى دا نينه،ژبه‌ركو خانيێن پتريا وه‌لاتيان ژلايێ داعشێ ڤه هاتينه خرابكرن و هه‌رفينه ئه‌ڤ كوژمێ هاتيه دياركرن يێ كێمه،له‌وا داخواز دكه‌ين بێته زێده‌كرن داكو ئاواره بكارن خانيێن خۆ ئاڤه‌دان بكه‌نه ڤه،زێده‌بارى هندێ گه‌له‌ك خێزانێن ڤه‌گه‌رياين دخانيێن ب كڕێدانه و ئه‌ڤ چه‌نده بوويه بارگرانى بۆ وان خێزانان.