کورتە چیرۆک
زەنگلا مرنێ
دلدار محەمەد
ئەڤە چەند رۆژە دەنگێ زەنگلا موبایلا وی لبەر گوهێ وی ژ زرینێ نەخۆشتر بوو ، ژ قیژێنا ئاگەهداریا سێدارەدانێ ب ئێشتر بوو ، هەکو ژۆرا وی ئەوا بتنێ دەنگێ دلوپەکێ بێدەنگی لێ نە دهێلا ب ئاوازا خۆ یا خەمگین تژی دەنگ دکر
ژۆردا ب ئاڤریەکێ ل وێ تەبلێ نێڕی ئەوا بەژنا موبایلی لبەر ئاوازێ هاتن و چوون لسەر دکر لسەر شاشێ نڤێسی بوو خودان !
بەرێ خۆ ژێ وەرگێرا و ئاخینکەکێ گەوریا وی گرت : گوتە خۆ : یێ بەرهەڤ بە زەبانی هاتنە تەڤڤه!
پشتی نیڤ دەمژمێرێ پەیوەندیێن هەمان ژمارە بۆ پێنج!
(ئەو ژمارا تە داخازکری یا گرتی یە )
ئەڤە دوو رۆژە، خودان چ دەنگێن دی ژ بەرهەمێ پەیوەندیکرنا ب ژمارەیا وی ناچنیت
هەمی رێیان سترانا گرتنێ یا ژ بەرکری ، ئەڤه دووشەڤه پشتی زارۆک د نڤن چاڤێن وی دبێژنە کەش و هەوایی تۆ درەوینی ، دلێ هەمی چرکەیان ژ لبەر بەرزەبونێ یێ پرە
پشتی سێ رۆژێن دائێخستنێ پێنجی جارێن پەیوەندیان لسەر شاشەیێ دیتن ، بلەزو بەزەکا پر شەرم موبایلا وی وەکی دەرگەهێ ژیانا وی هاتەگرتن
ئەڤە دوو رۆژە هەمی رووی سپیێن رویێن وان ژ بێ دلۆڤانی و دەستێ هاریکاریێ رەش بوین تلێن خۆ د خانیێ ئێک ژۆرڤە ڤە بەلکرین و دەڤێن خۆ ددەنە بەرمایکا و ب دەنگێن نڕ :
ئەم داخازێ ژ حکومەتێ دکەین مەسیرێ کورێ مە دیارکەت!
پشتی سێ رۆژێن شەپلین و لێگەریانێ ، وێنەیەکێ وی ب خیچەکا رەش ڤه فەیسبوک ژ خۆ تژی کر و بەپەلەیان ملێن خۆ دانە ئێک : ئەڤی زەلامی سێ زارۆ ل پشت خۆ هێلان و د رویدانەکا مژەوی دا داوی ب ژیانا خۆ ئینا!
ژۆرا پشتێ یا مالا تازیێ خودانێن دەرسوکا پسپسەک دگەل خودانی کر و بەریکا وی گەرم بوو ، کەلا مێرانیێ خۆ لێدا : برا هەما سەر خاترا وە و جامێرییا رەحمەتی ، ئەز ژی دێ دووکریێن خۆ ژ حەفتا ب زاروکێن وی هێلم!
مایک لبەر دەڤێ سەرمەزنێ بنەمالێ ب رێز بوون :
نەخێر ئەم پێ نا حەسێین وی چ مشکیلە دگەل کەسێ هەبن ، هەما پیچەک ئاقل و دەرونێن وی ددروست نەبوون
