یۆن ئێن: دبیت ناڤێ ئسرائیلێ بچیتە د لیستا رەش دا
گاڤ
نەتەوەیێن ئێکگرتی گەفان دکەت ناڤێ ئسرائیلێ بکەتە د لیستا رەش دا و ئسرائیل بەرسڤێ ددەت.
ستیڤان دوجاریک، پەیڤدارێ نەتەوەیێن ئێکگرتی د کۆنگرەیەکێ رۆژنامەڤانی دا راگەهاند: وان بالیۆزێ ئسرائیلێ ل نەتەوەیێن ئێکگرتی ئاگەهدارکرییە کو ژبەر بنپێکرنا مافێن زارۆیان، دبیت ئەو ناڤێ ئسرائیلێ بکەنە د لیستا رەش دا.
گیلاد ئەردان، بالیۆزێ ئسرائیلێ ل نەتەوەیێن ئێکگرتی بەرسڤا پەیڤدارێ نەتەوەیێن ئێکگرتی دا و گۆت: ئەگەر کەسەک یان ئالییەک بچیتە د لیستا رەش دا، پێدڤییە سکرتێرێ گشتی یێ نەتەوەیێن ئێکگرتی بیت، ژبەر کو ئەو پشتەڤانێن تیرۆر و کەرب و کینێ نە و ب وی رەنگی سەرەدەرییێ ل گەل ئسرائیلێ دکەن.
ژ حەفتی مەها ئوکتۆبەرا پار شەڕێ ئسرائیل و حەماسێ دەستپێ کرییە و ژ وی دەمی تا نوکە ب دەهان جاران نەتەوەیێن ئێكگرتی و چەندین وەلاتان داخوازا راوەستاندنا شەڕی کرییە، لێ تا نوکە شەڕ ب فەرمی ب دویماهی نەهاتییە.