ئامانج هەرکی: گەندەلی د سێکتەرێ کارەبا عیراقێ دا هاتیە كرن
سه‌ما
ئه‌ندامه‌كێ جڤاتا نوونەرێن عیراقێ ئاشكه‌راكر،ب ئەگەرێ گەندەلییێن د حكومەتێن پێشتر د سێکتەرێن كارەبێ دا هاتییەكرن، چارەسەرییا ئەوان ئاریشەیان یا ب ساناهی نینە.
ل ڕۆژا پێنج شه‌مبوويێ 27ى حوزه‌يرانا 2024ێ،ئامانج هەرکی، ئەندامێ لژنا وزێ و کارەبێ ل جڤاتا نوونەرێن عیراقێ ڕاگەهاند، عیراق پێدڤی ب نێزیكی 40 هزار مێگاواتێن کارەبێ هەیە، ل نوكەدا 24 هزار 800 مێگاواتێن کارەبێ بەرهەم دئینن، 800 مێگاواتێن دی ژی ب ڕێكا چەند هێلا ژ وەلاتان دهێتە بكارئینان، بەلێ ئاریشەیا سەرەكی نەبوونا هێلا ڤەگوهاستنا كارەبێ یە ل عیراقێ.
ئامانج هەرکی ئاشكه‌راكر، باژێرێن باشوورێ عیراقێ نێزیكی هەشت هزار مێگاواتێن کارەبێ بەرهەم دئینن کو گەلەك ژ پێدڤییا خۆ پترە، بەلێ نەشێن ڤەگوهێزنە باژێرێن دی ب ئەگەرێ نەبوونا هێلا ڤەگوهاستنێ و بتنێ بەغدا پێدڤی ب 10 مێگاواتێن کارەبێ هەیە د ئەڤان پلەیێن گەرمێ دا.
گۆت ژى ژ 2003ـێ وه‌ره تۆرێن کارەبێ ل عیراقێ کار ل سەر نەهاتییەكرن، ب ئەگەرێ ئەو گەندەلییێن د حكومەتێن پێشتر د سێکتەرێن كارەبێ دا هاتییەكرن، چارەسەرییا ئەوان ئاریشەیان یا ب ساناهی نینە و بەرهەمئینانا کارەبێ زێدەبوویە، بەلێ ئاریشەیا ڤەگوهاستنێ هەیە.
ئەندامێ لژنا وزێ و کارەبێ راگه‌هاند،دێ وەزیرێ کارەبێ گازى پەرلەمانى كه‌ين ،بۆ هندێ به‌رسڤا پرسیارێن وه‌ڵاتیان بده‌ت ده‌ربارەی ره‌وشا خراپ يا کارەبێ ل عيراقێ.