سەرۆک بارزانی پێشوازی ل بالیۆزێ فرەنسا ل ئیراقێ کر

سەرۆک بارزانی پێشوازی ل بالیۆزێ فرەنسا ل ئیراقێ کر

گاڤ

سەرۆک مەسعوود بارزانی ئەڤرۆ لگەل پاتریک دۆرێل، بالیۆزێ فرەنسا ل ئیراقێ کۆمبوو.

بارەگەهێ بارزانی بەلاڤکرییە د کۆمبوونێ دا رەوشا سیاسی و ئەمنی یا ئیراق و رۆژهەلاتا ناڤین ب گشتی و ئاستەنگێن ل هەمبەر سەقامگیرییا دەڤەرێ هاتنە بەحسکرن.

دیار ژی کر: پەیوەندییێن دوستانەیێن د ناڤبەرا هەرێما کوردستانێ و فرەنسا دا و بەردەوامیدان و پێشڤەبرنا وان پەیوەندییێن دوستانە د ناڤبەرا هەردو ئالییان دا ب گرنگ هاتە ل قەلەم دان.

دا زانین ژی: سەرۆک بارزانی سوپاسییا فرەنسا کر و ئاماژە دا کو گەلێ کوردستانێ هەردەم رۆلێ دۆستانە و ئەرێنی یێ گەل و حکومەتا فرەنسا ژبیر ناکەت د قووناغێن ب زەحمەت دا کو هەردەم پالپشتێن گەلێ کوردستانێ بوون و هەروەسا هەلوەستێ سەرۆک فرانسوا میتران ژی ل دۆر پشتەڤانییا گەلێ کورد ل سالا 1991 کر د بزاڤێن دەرکرنا بریارا هەژمار 688 یا جڤاتا ئاسایشێ لدۆر دروستکرنا ناڤچەیەکا ئارام ژبۆ پاراستنا گەلێ کوردستانێ.

ل داوییا دیدارا وان دا بەحس ل هەلبژارتنێن پەرلەمانێ کوردستانێ هاتە کرن کو بریارە ئەڤ سالە بهێنە کرن و دوپاتی ژی ل ب رێڤەچوونا هەلبژرتنێن پاقژ و شەفاف هات کرن.