ل گونده‌كێ شنگالێ ئاڤ نه‌ما و 3 هه‌زار دار هشک بوون
سەما:
كێمبوونا ئاڤێ مەترسی ل سەر هشکبوونا داروبارێن گوندێن سنوورێ شنگالێ دروستکريه؛ خدر قولۆ جۆتياره‌كێ خەڵکێ گوندی تێرەفە نێزیکی 500 دارێن وى هشکبووينه و دبێژت:10 ساڵە کار دەکەین، بەڵێ ئاڤا مه نەما.
خدر قولۆ،جۆتياره‌كێ خەڵکێ گوندی تێرەفە بۆ(سەما) دیارکر؛دەمێ دوو سالایە ل وەرزێ هاڤینێ كێشه‌يا کێم ئاڤیێ په‌يدابوويى و هه‌زار دارێن جودا جودا ژ هژیر و تری و باهیڤ و هنارا هەبوون،لێ ژ بەر نەبوونا ئاڤێ نێزیکی 500 ژ وان داران هشک بوون و 3 بیرێن ئورتوازی کۆلان ئەوژی کێم ئاڤن.
قولۆ،گۆت ژی ل سالا بۆری د دەما گەهشتنا بەرهەم دە دارێن وى هشک بوون کو زیانا وان دگەهشتە نێزیکی 30 هەتا 50 ملیۆن دینارێن عيراقی.
ل گۆڕه‌ى گۆتنا چه‌ند جۆتيارێن دى يێن گوندێ تێرەف، نێزیکی 7 هەزار داران ل گوندى هەنە،بەلێ ژبەر کێم ئاڤى و گەرمێ دۆرێن 3هه‌زار داران هشک بوون.
جۆتيارێن گوندێ ناڤبرى داخوازێ ل حکومەتێن هەرێما کوردستانێ و عيراقێ دکه‌ن هاریکاریا وان بکه‌ن،داكو به‌رده‌واميێ بده‌نه کارێ خۆ.
ده‌ڤه‌را شنگالێ ئێك ژ ده‌ڤه‌رێن به‌رنياسه ب چه‌ندين جۆرێن داران ژوانژى دارا هژيرێ خواسته‌كا زۆر ل سه‌ر به‌رهه‌مى وێ هه‌يه.
