ناڤەندا نووچەیان – سەما
ناڤەڕۆكا پەیوەندییا تێلەفۆنی د ناڤبەرا سەرۆك بارزانی و سەرۆكێ سووریا دا بەلاڤ کر و ئاماژە ب هندێ دا، ژ بلی بەحسکرنا ڕەوشا نۆکە یا سووریێ، دانوستاندن ل دۆر پێنگاڤێن بێت یێن ڕێککەفتنا دناڤبەرا حکومەتێ و هەسەدێ دا کر.
ئێک شەمبوویێ 1ی شوباتا2026، بارەگەهێ بارزانی بەلاڤکرییە، د پەیوەندییا تێلەفۆنی یا ئێڤارییا ڕۆژا شەمبوویێ 31ی کانوونا دووێ 2026، د ناڤبەرا سەرۆك مەسعود بارزانی و ئەحمەد شەرع سەرۆكێ سووریا دا دانوستاندن ل دۆر ڕەوشا سووریا و داوی گوهۆڕینان و ڕێککەفتنا دناڤبەرا حکومەتا سووریا و هێزێن سووریا دیموکرات و پێنگاڤێن بێت هاتە کرن.
هەروەسا د وێ پەیوەندییا تێلەفۆنی دا، تەکەزی ل سەر پێدڤییا بەرقەراربوونا ئاشتی و تەناهیێ ل سووریا هاتە كرن و ئەو چەندە ژی هاتە دووپاتكرن كو دیالۆگ و لێكگەهشتن بتنێ رێكا چارەسەركرنا كێشە و ناكۆكییان بت.