پشتى 10سالان كچه‌كا ئێزدى ژ ده‌ستێ داعشێ هاته ڕزگاركرن
سه‌ما:
كچا ئێزدى “ته‌واف داود جه‌تو” خه‌لكا ناحيا گرعزێر ل شنگالێ،پشتى 10سالان ژبن ده‌ستێن هۆڤێن داعش هاته ڕزگاركرن.
ته‌واف،ل ساڵا 2014ێ ژلایێ تيرۆرستێن داعش ل شنگال هاتبوو ره‌ڤاندن و بێ سه‌روشینكرن،نۆكه هاتيه ڕزگاركرن و خه‌لكا ناحيا گرعزێره ل شنگالێ.
دڤى ده‌رباره‌ى دا حسین قائیدى، به‌رپرسێ نڤیسینگه‌ها ڕزگاركرنا ره‌ڤاندیێن ئێزدى ڕاگه‌هاند؛ ل ساڵا 2014ێ پتر ژ شه‌ش هه‌زار كچ و ژن و زارۆكێن ئێزدى ل شنگال ژلايێ تيرۆرستێن داعشێ ڤه هاتنه گرتن و ره‌ڤاندن و بێ سه‌روشینكرن.
قائيدى ئاشكه‌راكر:” هه‌تا نۆكه 3 هزار و 576 كچ و ژن و زارۆك ژ ده‌ستێ داعشێ هاتينه ڕزگاركرن و هێشتا چاره‌نڤیسێ پتر ژ 2 هزار و 600 كه‌سان ژ هه‌ردوو ڕه‌گه‌زان دیار نینه”.
ڕۆنكر ژى پرۆسا ڕزگاركرنا كچ و ژنێن ره‌ڤاندیێن ئێزدى یا به‌رده‌وامه، هه‌تا ئێك ره‌ڤاندى مابت دێ كارێ ڕزگاركرنێ یێ به‌رده‌وام بت.
