ناڤهندا نووچهيان – سهما
سهرۆكێ باژێرڤانيا شاريا ئاشكراكر، پشتى پارچهيێن عهردى ل سهر فهرمانبهرێن كۆمهڵگههێ هاتينه دابهشكرن، ئاڤاكرنا شاريا نوو دهستپێكريه و ههموو خزمهتگۆزارى بۆ وهڵاتيان دێ ئێنه دابينكرن.
د قۆناغا ئێكێ دا 133پارچهيێن عهردى ب سهر فهرمانبهرێن كۆمهڵگهها شاريا هاتنه دابهشكرن.
ئيسماعيل سلێمان، سهرۆكێ باژێرڤانيا شاريا، بۆ سهما گۆت: ل سنوورێ كۆمهڵگهها شاريا و دگهڕا ئێكێ دا 133پارچهيێن عهردى ب سهر فهرمانبهران دا هاتنه دابهشكرن، نوكه كار ل سهر گههاندنا خزمهتگۆزاريان وهكو ئاڤ، كارهب و رێگهوبان بۆ جهێ ئهوان پارچهيێن عهردى يێن هاتينه دابهشكرن دكهين.
ئاماژه ب وێ چهندێ دا، پشتى گههاندنا خزمهتگۆزاريان بۆ شاريا نوو خهڵكێ ماف ههيه خانيێن خۆ ئاڤا بكهن و ئهڤه بۆ پتر پێشڤهبرنا كهرتێ ئاڤهدانيێ يه ل دهڤهرێ.
سهرۆكێ باژێرڤانيا شاريا گۆتژى: ل دهمهكێ نێزيكدا دێ گهڕا دووێ يا دابهشكرنا پارچهيێن عهردى ب سهر فهرمانبهرێن كۆمهڵگههێ دا دهستپێكهت.
كۆمهڵگهها شاريا ههشت گوندان بخۆڤهدگرت و خهڵكێ وێ ههموو ئێزدينشينن و سهر ب قهزا سێمێلێ سهر ب پارێزگهها دهۆكێ ڤهيه.
د چارچووڤێ گرنگيدانا حكومەتا هەرێما كوردستانێ، ب ناحیە و گوندان، ئەڤ پڕۆژهيێن خزمەتگۆزاری دئێنه ئەنجامدان.
د كابینەیا نههێ دا، ڕێزدار (مەسرور بارزانی) سەرۆكێ حكومەتا هەرێما كوردستانێ، ڕاگەهاند: سیاسەتا مە دێ وهها بت، كو بتنێ گرنگيێ ب سەنتەرێ باژێران نادهن، بەڵكوو گرنگيهكا زێدهتر ب قەزا و ناحیە و گوندان دێ دەن.