ناڤەندا نووچەیان – سەما
رێڤهبهرێ كاروبارێن ئێزدييان ل پارێزگهها دهۆكێ ڕاگەهاند، ل سەردەمێ کابینەیا نههێ يا حكومهتا ههرێما كوردستانێ دا، چهندين پرۆژه بۆ دهڤهرێن ئێزدييان و ب تايبهت ل پهرستگهها لالش يا پيرۆز هاتينه ئهنجام دان.
ئينيێ، 10ـی تەممووزا 2026، جهعفهر سمۆ، رێڤهبهرێ كاروبارێن ئێزدييان ل پارێزگهها دهۆكێ، بۆ سهما گۆت: كابينهيا نههێ يا حكومهتا ههرێما كوردستانێ پێنگاڤێن گەلەک گرنگ و ستراتیژی د ههموو سهكتهرێن ژيانێ دا هاڤێتينه. ئێک ژ وان سەکتهرێن گەلەک گرنگ کو د دەستپێکا دەستبکاربوونا مەسرور بارزانی، سهرۆكێ حكومهتێ ئێک ژ خالێن کارنامەیێ ئەو بوو خزمەتا هەموو پێکهاتهيێن گەلێ کوردستانێ بکەت، ئێزدی ژی وەک پێکهاتەکێ ڕەسەن یێ گەلێ کوردستانێ، تا ڕادەیەکی باش خزمەتا جهێن پیرۆز يێن ئێزدیيان و دهزگههێن ڕهوشهنبيرى هاتييه كرن.
ئاماژه ب وێ چهندێ كر، د وارێ ئۆلی دا بۆ نموونه ل پهرستگهها لالش يا پيرۆز چەندین خزمەتگۆزاری ل وێدهرێ هاتینە پێشکێش کرن، مينا دورستكرنا جۆتسایدێ دەرگەهێ لالش، عمبارێن ئاڤێ و کارگەها زەیتا زەیتوونان، زێدهبارى نووژەنکرنا چەندین ڕێيێن گۆڕستان و جهێن پیرۆز يێن ئێزدیيان کو بەردەوام خزمەتا ڤان جهێن پیرۆز دئێتە کرن.
جهعفهر سمۆ دووپاتكر، مه ئۆمێد هەیە د کابینەیا بێت ژی دا مەسرور بارزانی دێ بەردەوام یت ل سەر خزمەتکرنا هەموو جهێن ئۆلی و هەموو پێکهاتهيێن کوردستانێ، ب تایبەتی ئێزدیيان، چنکو سمبۆلێن ئۆلى يێن هەموو پێکهاتهيان، ب تایبەتی ئێزدیيان جهێ ڕێزەکا تایبەت بووینە ل نك سەرۆکێ حكومهتێ. لەوما ژی هەرگازندە و داخوازييهكا هەی، گەهشتیيە بەردەستێ وی، ل گۆڕ شیانان خزمەتا ئێزدیياتیيێ کرییە ژ هەموو کنارێن ژيانێ ڤه.