ناڤەندا نووچەیان – سەما
سەرۆک بارزانی، د پەیوەندییەکا تەلەفۆنیدا، پیرۆزباهی ل عەلی زەیدی کر ب هەلکەفتا وەرگرتنا باوەرییێ ژ لایێ پەرلەمانێ عێراقێ ڤە.
بارەگەهێ بارزانی ڕاگەهاندنەک بەلاڤ کر و تێدا هاتییە، ئێڤارییا ئیرۆ پێنج شەمبوویێ، 14ی ئەیارا 2026، سەرۆک مەسعود بارزانی د پەیوەندییەکا تەلەفۆنیدا پیرۆزباهی ل عەلی فالح زەیدی کر ب هەلکەفتا وەرگرتنا باوەرییێ ل پەرلەمانێ عێراقێ و دەستنیشانکرنا وی وەک سەرۆکوەزیرێن فیدڕال.
سەرۆک مەسعود بارزانی، هەر د وێ پەیوەندییا تەلەفۆنیدا، هیڤییا سەرکەفتنێ بۆ عەلی فالح زەیدی خواست.
ئیرۆ پەرلەمانێ عێراقێ ب پتریا دەنگێن ئەندامان، باوەری دا کارنامەیا وەزاری و پێکهاتەیا حکومەتا نوو یا عێراقێ.