کوچا بێ ڤەگەر
صالح حكيم
ئەو دایکا ب چوونا جەگەرا
خوە بتنێ وەلاتەک بۆ مای
هەرۆژ تەوافێ ل دوور
سۆتنا ناخێ خوە دکەت
ئاخ بۆ ئازراندنا وێ برینیێ
ما ئەلندا سپێدێ
ل هەڤشیێ بێ مرادا ناهەلێت
ب هەستا ئاوازێن بلۆرڤانان
ئێشا خەریبیا دیسا ل نەوالێن کۆر دهێت
مێرگا ئێڤاریا هێش تولازی
ب پیرە سالێن چوونێ
ب نازداری نەحەوینە
کاروانێ ڤی عێلی
ل زۆمێن ژۆری ما قەدەرێ چ گوتیە
چما سیمەرخەکا چەنگ شکەستی
ل سنۆرێن گەشتەکا
دلوڤانیێ دگەری
ئاخ لەهیا کۆچبەریێ
قڕکا هەناسێن مێراتگەر
ل کاڤلێن وێرانکرنێ ئێدی نەفرن
ژ دایکبوونا چوونێن
بێ ڤەگەر بلا بەسبیت.