بنگه‌هێ لالش كه‌لوپه‌لێن ناڤمالێ ل سه‌ر خێزانێن زیانڤێکەفتی به‌لاڤ دكه‌ت
سه‌ما
كه‌لوپه‌لێن ناڤمالێ بسه‌ر هه‌ژماره‌كا خێزانێن زيانڤێكه‌فتيێن ئاواره‌يێن شنگالێ هاتنه به‌لاڤكرن يێن خيڤه‌تێن وان هاتينه سۆتين ل كه‌مپا شاريا.
ل ڕۆژا ئێك شه‌مبوويێ 28ى تيرمه‌ها 2024ێ،بنگەهێ لالش تایێ شاریا ب هەڤکاری دگەل رێکخراوا نوپێل و پشتەڤانیا( كه‌نيسه‌يا يسوع مه‌سيح)و قەس فضيل و دانيال)،كه‌لوپه‌لێن ناڤمالێ پێكهاتى ژ غەسالەیێن جۆرێ مەزن و پانکەیان ل سەر نەهـ خێزانێن خيڤه‌تێن وان هاتینە سۆتن به‌لاڤكرن.
ئه‌ڤ كه‌لوپه‌ل كو ژ پێدڤيێن سه‌ره‌كى بوون بۆ ڤان خێزانێن زيانڤێكه‌فتى هاتنه دابينكرن.
ژ ئه‌نجامێ شۆرته‌كێ كاره‌بێ ل ماوێ چه‌ند رۆژێن بۆرى دا هه‌ژماره‌كا خيڤه‌تێن ئاواره‌يێن شنگالێ هاتنه سۆتن،خۆشبه‌خاته زيانێن گيانێ نه‌بوون و بتنێ يێن مادى بوون.
ترومبێلێن ئاگرڤه‌مراندنێ و ئاليێن په‌يوه‌نديدار دگه‌ل خه‌لكێ كه‌مپێ گه‌هشتنه جيێ روودانێ و ل ده‌مه‌كێ كێمدا ئاگر كۆنترۆلكرن.
وەکو هەرجار بنگەهێ لالش تايێ شاريا ئەرکێ خۆ یێ مرۆڤایەتی ئه‌نجامدا ل کەمپا شاریا،پێشتر ژى چه‌ندين بوويه‌رێن ئاگربه‌ربوونێ بڤى ئاوايى په‌يدابووينه و ل گۆڕه‌ى شيانێن ل به‌رده‌ست هه‌ى هاريكاريان زيانڤێكه‌فتيان كريه.
