هه‌ژماره‌كا ياريزانێن كچێن ئێزدى بۆ هه‌لبژارتيێ عيراقێ هاتنه داخوازكرن
سه‌ما
هه‌لبژارتيێ عيراقێ يێ خانمان هه‌ژماره‌كا ياريزانێن كچێن ئێزدى بۆ ناڤا رێزێن خۆ داخوازكرن،بۆ به‌شداريكرنێ ل قاره‌مانيێن ئاسيا و ڕۆژئاڤايێ ئاسيا دا.
سمير سه‌برى،راهێنه‌رێ ياريزانێن كچێن ئێزدى بۆ سه‌ما ڕاگه‌هاند،ب ئاماده‌بوونا راهێنه‌رێ هه‌لبژارتيێ عيراقێ يێ خانمان بۆ ماوێ سێ ڕۆژان پرۆسه‌يا تێستان ب ياريزانێن كچێن ئێزدى ژ هه‌موو چين و ته‌مه‌نێن پێگه‌هشتى ل شنگال و كه‌مپاندا هاته كرن و هه‌ژماره‌كا ياريزانان پشتى ئاسته‌كێ باش پێشكێشكرى هاتنه هه‌لبژارتن.
گۆت ژى: ل به‌غدايێ دێ داوى تێست ب ياريزانان ئێته كرن و ئه‌وێن راهێنه‌ر ژ ئاستێ وان رازى دێ داخواز كه‌ت بۆ ناڤ رێزێن هه‌لبژارتيێ عيراقێ يێ ته‌پاپێ بۆ به‌شداريكرنێ ل قاره‌مانيێن ئاسيا و ڕۆژئاڤايێ ئاسيا دا.
سه‌برى ئاشكه‌راكر:ئه‌ڤ كچێن ياريزانێن ئێزدى ژ چه‌ندين تيمێن جه‌ماوه‌ر‌ى ل گوند و كۆمه‌لگه‌هێن شنگالێ و ناڤا كه‌مپان پێك دئێن.
بۆ جارا ئێكێ يه د ديرۆكا ته‌پاپێ يا عيراقێ دا،ياريزانێن كچێن ئێزدى دته‌خێن جودا يێن ته‌مه‌نى دا بۆ هه‌لبژارتيێ عيراقێ يێ خانمان بێنه گازيكرن.
تيمێن كچێن به‌هره‌مه‌ندێن ئێزدى ل سه‌ر ئاستێ بلند به‌شدارى ل چه‌ندين قاره‌مانيێن ته‌پاپێ دا كريه،حه‌ز و ئۆمێدا وان ئه‌وه ل گه‌ل هه‌لبژارتيێ عيراقێ ياريێ بكه‌ن.