ناڤەندا نووچەیان – سەما
نێچیرڤان بارزانی، سەرۆکێ هەرێما کوردستانێ ب هه‌لكه‌فتا جەژنا جەمایێ پەیامەکا پیرۆزباهییێ ڕابه‌رى هەموو وه‌لاتییێن ئێزدی ل کوردستانێ، عێراقێ و سەرانسەری جیهانێ کر و هیڤی خواست جەژنەکا ئارام و سه‌ربلندى بۆرينن.
ئيرۆ سێشەمبێ، 6ـى چريا ئێکێ 2026، سەرۆکاتیيا هەرێمێ ڕاگەهاند؛ نێچیرڤان بارزانی، سەرۆکێ هەرێما کوردستانێ د پەیاما خۆ دا ته‌كه‌ز کر، هیڤیدارە هەموو جەژن و هه‌لكه‌فتێن بێن ب خۆشی و شادی بۆ هەموو لایەکی بزڤڕن.
هه‌ڤده‌م نێچیرڤان بارزانی پشتڕاستی دا هەموو وه‌لاتییێن ئێزدی و تەڤایا پێکهاتەیێن دی يێن کوردستانێ کو هەرێما کوردستانێ وەک هەرده‌م پشتەڤان و پارێزەرێ ماف و داخوازییێن وان بت.
ل داوییا پەیاما خۆ دا نێچیرڤان بارزانی دووپات کر، هەرێما کوردستانێ بۆ هەرده‌م وەک لاندك و وه‌لاتێ پێکڤەژیانا ئاشتییانە بۆ هەموو پێکهاتەیان دێ مینت.