ناڤه‌ندا نووچه‌يان – سه‌ما
سەرۆک وەزیران مەسرور بارزانی ڕێز و پێزانینێن خۆ یێن مەزن بۆ پشتەڤانییا جڤاكێ نێڤدەولەتی دووپات دكه‌ت و ب پێدڤى دزانت، بەردەوام بن ل سەر داكۆكیكرنێ ل مافێن هه‌رێما كوردستانێ.
شەمبوويێ، 5-4-2025، مەسرور بارزانی، سەرۆکی حکومەتا هەرێما کوردستانێ، د سالڤەگەرا دەركرنا بڕیارا 688 یا جڤاتا ئاسایشا نەتەوێن ئێكگرتیدا، ل هەژمارا خۆ یا تۆڕا جڤاكییا ئێكس، پەیامەك بەلاڤكر.
سه‌رۆك وه‌زيران، مەسرور بارزانی ئاماژه ب وێ چه‌ندێ دا” سالڤەگەرا بڕیارا 688 یا جڤاتا ئاسایشا نەتەوێن ئێكگرتیدا، كو سنۆرەك بۆ هێرش و ستەما ڕژێما بەعس دانا، ڕێز و پێزانینێن خۆ یێن مەزن بۆ پشتەڤانییا جڤاكێ نێڤدەولەتی دووپاتدكەین”.
سه‌رۆكوه‌زيرێن هه‌رێما كوردستانێ ب پێدڤى دزانت” پێدڤییە جڤاكێ نێڤدەولەتی ل سەر پاراستنا خەلكێ كوردستانێ و داكۆكیكرنا مافێن وان، بەردەوام بت”.