ناڤەندا نووچەیان- سەما
د بەردەوامییا کار و چالاکیێن خۆ یێن ژینگەپارێزیێ دا، گرۆپێ خلمەتکارێن خاتوونا فهخرا، هەوا سێیێ یا چاندنا داران ل دەڤەرا بیراخای ل باکوورێ چیایێ شنگالێ ئهنجامدا.
ب گۆڕهيى ڕاگههاندنا گرۆپێ خلمەتکارێن خاتوونا فهخرا، دڤێ ههوێ دا پتر ژ 80 داران ل بهر مەزارگههێ کچک لالش هاتنە چاندن، ئارمانج ژ ڤێ پێنگاڤێ پەیداکرنا سيبەرێ یە بۆ زیارەتکەرێن مەزارگههى و هەڤدەم جوانکرنا ژینگەهـ و سیمایێ گشتی یێ وێ دەڤەرێ یە.
هەروەسا دياركر”پاراستن و گرنگیپێدان ب چیایێ شنگالێ، ئەرکەکێ پیرۆز و نیشتیمانی یە. ئەڤ چیایە خودان بهایەکێ بلندێ ئۆلى و مێژوویی یە و پشکەکا گرنگە ژ کەلەپوورێ مە یێ ڕەسەن، لەوما پاراستنا ژینگەها وی ب ئەرکەکێ بەردەوام دبینین.”
جيیێ ئاماژێ یە کو ئەڤە نە جارا ئێکێ یە ئەڤ گرۆپە هەوا چاندنا داران ل دەڤەرێن جودا یێن شنگالێ ڕادگەهینت، ب مەرەما زێدەکرنا ڕێژەیا کەسکاتیێ و خزمەتکرنا مەزارگەهێن پیرۆز.