ناڤەندا نووچەیان – سەما
بڕیارە سبهى سێ شهمبوويێ 12-8-2025، گهڕا ههشتێ يا ڕووفاتێن قوربانيێن ئێزديان بگههنه شنگالێ و ڕادهستى كهسوكارێن وان ئێنه كرن، كو پتريا ڕووفاتان خهڵكێ گوندێ كۆچۆ نه.
سبى پشتی نیڤرۆ، دڕێورهسمهكا فهرمى دا دێ پێشوازيا ئينانا 22 ڕووفاتێن ئێزدیان ل فهرمانگهها نۆژداريا داد ل پارێزگهها نهینهوا بهرهف مونومێنتا جينۆسايدا ئێزديان ل سهنتهرێ قهزا شنگالێ ئێته كرن.
پێشتر، نايف جاسو، نوونهرێ قوربانیێن جینۆسایدا ئێزدیان ل شنگالێ ڕاگههاندبوو، كو سبا ڕۆژا چارشهمبوويێ 13ـی مههێ و ل دهمژمێر 10ى سپێدێ، ڕێورهسم دێ ل مونومێنتا جينۆسايدێ دێ ب ڕێڤهچن.
پاشان ڕووفات بۆ مهزارگههێن ئۆلى ل دهڤهرێن جودايێن شنگالێ دێ ئێنه ڤهگوهاستن و ڤهشارتن.
ل 3 تهباخا 2014 داعش هێرش کرە سەر شنگالێ و 6417 كهسێن ئێزدى کەفتنە دەستێ داعش، ژبلى کڕین و فرۆتن ب کچ و ژنێن ئێزدی، نێزیکى 1293 کەسێن بێ گونههـ يێن خەڵکێ شنگالێ گوڵلەبارانکرن و ههتا نوكه پترى 93 گۆڕێن بكۆم هاتينه ديتن.