ناڤەندا نووچەیان – سەما
رێورهسمێن جهژنا جهمايێ ل پهرستگهها پيرۆزا لالش دهستپێكرن و گرنگيپێدهرهكێ كاروبارێن ئايينان و ديرۆكێ ژى دبێژت: ل سهر ههموو زيارهتكاران پێگيرى ڕێنمايێن جڤاتا ڕۆحانى يا ئێزديان ببن.
شهرۆ ئيبراهيم كشتو، گرنگيپێدهرێ كاروبارێن ئايينان و ديرۆكێ، بۆ سهما دياركر، جهژنا جهمايێ، ئێكە ژ جهژنێن دێرینێن ئێزدیان، ڕێورەسمێن وێ بۆ دەمێ ھەفت ڕۆژان ل پەرستگەھا پیرۆزا لالش دئێنە گێڕان.
گۆتژى: ئەم ھيڤیدارن ژ ھەموو ئێزديان دەما قەستا لالشێ دكەن ب ئیمانەكا پاقژ و جلكێن باب و كالا و ڕێزگرتنەكا تایبەت ل ڤى جيێ پیرۆز بگرن و پێگيرى ڕێنما و بڕيارێن جڤاتا ڕۆحانى يا ئێزديان بن.
ساڵانه دگهل دهستپێكرنا جهژنا جهمايێ، جڤاتا ڕۆحانى يا بڵند يا ئێزديان كۆم دبت و ڕێنمايێن نوو بۆ ب ڕێڤهچوونا ڕێورهسمێن جهژنا جهمايێ ئاراستهى زيارهتكاران دكهن، بۆ هندێ جهژن ب هێمنى و ئارامى و ب چ كێشهيهك بێته كرن.
جهژنا جهمايێ ل 6-10دهستپێدكهت و تا 13/10 بهردهوام دبت، دڤى ماوهيى دا چەند ڕێوڕەسمێن تایبەت يێن ئۆلى ب ڕێڤەدچن، کو تێدا پەیڕەوێن ئۆلا ئێزدیان ل سەرتاسەری جیھانێ سهرهدانا پەرستگهها لالش دكهن و بەشداریێ دڕێوڕەسمان دا دکەن.