ناڤهندا نووچهیان – سهما
ئيرۆ دوشەمبێ، 3ـى تهباخا2026، ب ئامادهبوونا مەسرور بارزانى، سەرۆكێ حكومەتا هەرێما كوردستانێ، ڕێورەسمەكا تایبەت بۆ دوازدەهەمین سالڤەگەڕا جينۆسایدا ئێزدیيان دێ ئێتە سازكرن.
12 سالان بەرى نهۆ ل 3ـى تهباخا 2014، تيرۆرستێن داعشێ پشتی كۆنترۆلكرنا باژێرێ مووسل ناڤەندا پارێزگەها نەینەوا، هێرش كرە سەر قەزا شنگالێ و دەوروبەرێن وێ و كۆنترۆل كرن.
هێرشا تيرۆرستێن داعشێ بۆ سەر شنگالێ، داوى فەرمان و جينۆساید بوو ب سەر ئێزدييان دا هاتی، بەشەكێ زۆر يێ وهلاتييێن ئێزدی بۆ ڕزگاربوونێ ژ كۆمكووژیێ قەستا چیایێ شنگالێ كر و چەندین سالان ل سەر چیایى مان، بەشەك ژ وان ل وێدهرێ خۆ گەهاندنە ڕۆژئاڤایێ كوردستانێ و پاشان ب ڕێيا دەرگەهێ سێمێلكا – پێشابوور ڤەگەڕيان و ل باژێرێن هەرێما كوردستانێ و كهمپان ئاكنجی بوون.