ناڤهندا نووچهيان – سهما
كاركرن ل سهر پڕۆژهيێ چێكرنا جهێ دارا ئامادين نههداركێ بهردهوامه و ب چهند قۆناغان دئێته بجهئينان.
دارا نههدارێ، ئێكە ژ دارێن پیرۆز ل جەم ئێزدیان، مێژوویا وێ دزڤرتە 850 ساڵان بەری نوكه، ل گۆڕ دیرۆک و باوەریا ئێزدیاتیێ جهێ نەهدارێ کەڤناریەکا ئەزەلی ههيه.
ئيڕۆ چارشەمبوويێ، 8 ـی چريا ئێكێ 2025، شاكر دهروێش، پهيڤدارێ جڤاتا كۆمهڵايهتى يا ئێسڤنێ، بۆ سهما دياركر، پڕۆژهيێ چێكرنا جهێ دارا نههدارێ ژلايێ حكومهتا ههرێما كوردستانێ ڤه دئێته ئهنجامدان و كۆمپانيا نورس لايت ب كارى ڕابوويه و ب چهند قۆناغان دئێته ئهنجامدان.
ئاماژه ب وێ چهندێ دا، قۆناغا كۆنكريتكرنێ ب داوى هاتيه و نوكه ديوار ب بهرێ كهڤنار دئێنه دانان، پاشى دێ تژى ئاخ كهين و ل پێرا نههـ دار دێ ئێنه چاندن.
شاكر دهروێش گۆتژى: ديزاين لدووڤ جهێ وێ يێ پيرۆز هاتيه دانان وئهڤ داره وهكو هێمايهكێ پيرۆز بوو ل قهزا شێخان.
دارا نههدارێ دكهفته سهر ڕێيا شێخان – پهرستگهها لالش و ل سەر دەستێ میر ئامادینێ پسێ شێشمس هاتبوو چاندن، دبێژنێ نەهداركێ، ئاماژەیە بۆ نەھ برایان.