ناڤه‌ندا نووچه‌يان – سه‌ما
پشتی ئامادەکرنا پرۆگرامێ خووندنێ بۆ بابه‌تێ “ئێزدیياتیيێ” ل قوتابخانەیێن ڕۆژئاڤایێ کوردستانێ د ناڤ پرۆگرامێ پەروەردەیی دا ل وێ ده‌رێ، ل گەل ئێکگرتنا پرۆگرامان ل سووریيێ و پشتگرێدان ب پرۆگرامێ حکومی، خووندنا بابه‌تێ ئێزدیياتیيێ پشتى دو سالان ژ پەسەندکرنا وى بۆ قوتابیێن ئێزدی هاتە سه‌كناندن.
ل دووڤ زانيارييێن گه‌هشتينه ده‌ستێ سه‌ما، نهۆ وانه‌يا ئێزديياتييێ ل چو قوتابخانه‌يان ل ڕۆژئاڤايێ كوردستانێ نائێته خووندن.
ڤێ چه‌ندێ قوتابیێن ئێزدی ل سۆریێ ناچار دکەت کو د ناڤبەرا پەروەردەیا ئیسلامی یان پەروەردەیا مەسیحی دا هەلبژێرن، ئەڤە ژى ژ بەر كو دەولەتا سووريێ ئۆلا ئێزدييان وەک ئایینەکێ فەرمی نه‌ناساندييه.
ڤێ بڕیارێ برینەک د دلێ ئێزدییاندا ڤەكر، ژ بەر ڤێ چەندێ ئێزدی ل ڕۆژئاڤایێ کوردستانێ هەول دده‌ن چارەسەرییەک بۆ ڤی بابەتی ببینن، و دەنگێ خوە بگەهیننە لایەنێن پەیوەندیدار دا فشارێ ل سەر وەزارەتا پەروەردەیا سووريايێ بکەن بۆ ڤەگرتنا پرۆگرامێ “ئێزدیياتیيێ” د ناڤ ده‌ڤه‌رێن کو قوتابیيێن ئێزدی تێدا هەین.