ناڤەندا نووچەیان – سەما
بابێ شێخێ ئێزديان ئهو ڕهفتارا نهبهرپرسانه يا ژلايێ گهنجهكێ ئێزديێ ڕووسيا ل ئهلمانيا ل دژى مير حازم تهحسين بهگ، ميرێ ئێزديان هاتيه كرن، ب توندى شهرمهزاركر، پشتى كو دپارچه ڤيديۆكێ دا گۆتنێن كرێت گۆتينه ميرى.
ئيڕۆ سێ شهمبوويێ 5ـی تهباخا 2025، بابێ شێخێ ئێزديان “شێخ عهلى شێخ ئهلياس” بهياننامهيهك ل دۆر ڕهفتارا ل دژى ميرێ ئێزديان هاتيه كرن بهڵاڤكر.
دبهياننامهيێ دا هاتيه:
ئهڤ ڕهفتاره نوونهراتیا بهها و ئهخلاقیێن پێكهاتهيا ئێزدیان ناكهت، و ڕهنگڤهدانا ئهوان بنهمایانان نینه یێن ئۆلا ئێزدیان ل سهر هاتیه دامهزراندن، د دهقێن ئۆلى دا داخوازا ڕێزگرتنێ ل كهسێن دیتر دئێته گرتن و ڕێز ل بههایێن ههموو ئۆلێن دى دئێته گرتن و ب تایبهتی سمبولێن ئێزدیان.
میر حازم تهحسین بهگ، ئێكه ژ سمبولێن ئۆلى و كۆمهڵایهتی یێن ديار دناڤ ئۆلا ئێزدیان دايه و سفكاتی پێكرن كارتێكرنێ دێ ل سهر كهرامهت و وژدانا تهڤايا جڤاكى كهت. و بنپێكاريهكا جهێ قهبوولكرنێ نينه ل دژی پێگههێ مێژوویی و رۆحی كو پێكدهێت ژ ڕههـ و ڕیشالێن كوور د ناخێ ئێزدیان دا.
بهياننامێ ئاماژه ب وێ چهندێ دا، د ههر ههلكهفتهكێ دا سهماحهتا بابێ شێخ بێ جیاوازی و دوور ژ ناكۆكی و بیر و بۆچۆنێن جیاواز، شیرهت و ئامۆژگاریا ل ئێزدیان دكهت پابهند بن ب بنهمایێن ڕێزگرتنێ و خۆ ژ هێرش و خرابیان دوور بگرن، ڕژدیێ ل سهر گفتوگۆیا ئاڤهكهر و ڕێزگرتن ل كهسانێن دیتر كو هێڤێنێ پێكڤهژیان و هشیاریا ڕاستهقینهیه.
مه باوهری ب ئازادیێن بیر و ڕایان و ڕادهربرینێ ههیه، ههردهمێ ل سنوورێ ئهخلاق و بهرپرسیارهتیێ دا بهێـته پراكتیزهكرن، بهلێ ب تووندی ئهوان گۆتاران ڕهتدكهین كو یێن سفكاتی و كێمكرنا پێگههێن بلند و هێمایان دكهنه ئارمانج، داخوازێ ژ جڤاكی دكهم ژ ناڤخۆ و ژ دهرڤهی وهلاتی، ل سهرخۆبن و دادپهروهریێ بكاربینن و نوونهراتیا بههایێن ئێزدیان بكهن ب باشترین شێوه.
گۆتژی: پشتهڤانیا خۆ يا تهمام بۆ میرێ ئێزدیان دووپات دكهم، بانگهوازیا ئێكرێزیا كۆمهلگهها ئێزدی دكهم و پێشڤهبرنا كهلتوورێ ڕێزگرتنێ و پێشخستنا دیالۆگێ دووپات دكهم كو ل گهڵ مێژوو و ناسنامهیا ئێزدیان بگونجت.