ناڤەندا نووچەیان – سەما
فلمه‌كێ ديكيۆمێنتارى ب ناڤێ” ئالیێ دى يێ بێدەنگيێ” دێ ل دۆر كچ و ژنێن ئێزديان ئێته دروستكرن.
ئلياس يانج، سه‌رۆكێ مالا ئێزديان ئۆلدنبۆرك ل ئه‌لمانيا، ئيرۆ ئێك شه‌مبوويێ 23ى شوباتا 2025ێ، بۆ سه‌ما گۆت: ب مه‌ره‌ما بەلگەكرنا چيرۆكێن كچ و ژنێن ئێزدى يێن راستى ده‌ستدرێژى و نه‌خۆشيان هاتين ل سه‌ر ده‌ستێ تيرۆرستێن داعشێ، دەرهێنەرێ ناڤدار ديراج ئەكولكار يێ خه‌لكێ وه‌لاتێ هندستانێ سه‌ره‌دانا وان كر و گەنگەشە ل سەر پرۆژەيەكێ بەلگەيى يێ دیرۆكى يێ فلمێ “ئالیێ دى يێ بێدەنگيێ” هاتە كرن و ئه‌وا بسه‌رێ كچ و ژنان دا هاتى شرۆڤه‌كر و پشته‌ڤانى خۆ بۆ كارێ وى دپاركر.
سه‌رۆكێ مالا ئێزديان ئۆلدنبۆرك دياركر، ئەڤ فيلمە رۆناهيێ ددەتە سه‌ر بابەتەكێ خەمگين كو هێشتا گەلەك كێم گرنگى پێ دئێته دان ل سەرانسەرى جيهانێ، جڤاكا ئێزدى تايبەت ژ ڤان تاوانان ئێش كێشايە، ب هەزاران ژنێن ئێزدى هاتنە رەڤاندن، كويلەكرن و تووشى ده‌ستدرێژيێ بوون ل سه‌ر ده‌ستێ هۆڤێن داعشێ.
دا زانين ژى، دەرهێنەر ديراج ئەكولكار دێ سه‌ره‌دانا رزگاربوويێن ئێزدى يێن قه‌ستا ئه‌ورۆپا كرين كه‌ت و چيرۆك و ئه‌وا بسه‌رێ واندا هاتى دێ ڤه‌گوهێزت و دفلمێ خۆ دا به‌حس بكه‌ت.