سه‌ما
ئه‌لینا ڕومانووسكى بالیۆزا ئه‌مریكا ل عیراقێ، ل رۆژا شه‌مبوويێ 30ى تشرينا دووێ 2024ێ، د داوى پرێسكۆنفرانسێ خۆدا ل كونسۆلخانه‌یا ئه‌مریكا ل هه‌ولێرێ ڕاگه‌هاند، ئه‌ڤه 10 ساله ئه‌و بزاڤێن بجهئینانا ڕێككه‌فتنا شنگالێ دكه‌ن.
ڕومانووسكى، ل داوى كۆمبوونا خۆ دا ل گه‌ل رۆژنامه‌ڤانان ئاماژه دا ره‌وشا شنگالێ و گۆت: شنگال بێزاركه‌رترین ئاسته‌نگه ل ده‌ڤ وان، ئه‌و دزانن ڕه‌وشا وێ گه‌له‌ك یا ئالۆزه گه‌له‌ك و هزر و بوچوون هه‌نه كا ئه‌و ڕێككه‌فتنه چه‌وا بێته بجهئینان.
بالیۆزا ئه‌مریكا ئاشكراكر: ئه‌و ل ڕێیه‌كا گونجاى دگه‌رن و دێ لایه‌نان كۆمكه‌ن دا بزانن چاره‌سه‌رییا ڤێ ئاریشه‌یێ د چ دایه.
ئه‌لینا ڕومانووسكى خوياكر ژى، ئەمریکا بەردەوام داخوازێ ل هەردوو حکومەتێن عيراقێ و هەرێما کوردستانێ دکه‌ت، تا کو رێککەفتنامەیا شنگالێ بجهـ بينن.
ل 9ى ئوكتۆبه‌را سالا 2020ێ هه‌ولێر و به‌غدا گه‌هشتبوونه رێككه‌فتنه‌كێ بۆ ئاساییكرنا ره‌وشا شنگالێ ژ روویێن سیاسى، كارگێرى و ئه‌منى ڤه.
ل گۆره‌ى وێ رێككه‌فتێ، پێدڤیه هه‌ردو لایه‌ن ب شێوه‌یه‌كێ هه‌ڤپشك قه‌زایێ ژ روویێن كارگێرى و ئه‌منى ڤه برێڤه‌ببه‌ن و گرۆپێن نه‌یاسایى ل شنگالێ نه‌مینن.